Ciîko 8:14 - ÎVUKU RÎA ÛVORO MWARO

¹⁴ Nao atûmwa arîa maarî Jerusalemu nîmegwire atî andû a Samaria nîmaamûkîrîte kiugo Kîam Ngai. Kwoguo atûmwa acio nîmaatûmire Petero na Johana kûrî o.

Ciîko 8:14 ပူးပေါင်းရင်းမြစ်များ

1Atha 13:32

Mûgeeka guo nîûndû, ciugo irîa mûndû ûyû aathirwe nî Ngai-Mûnene auge cia kûruma metha ya kîgongoona îrîa îrî Betheli, vamwe na kûndû kuonthe gwa kûgoocerwa kûu matûûrarî marîa manene ma Samaria nwanginya ikaavinga.”

Mathaayo 13:23

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Luka 22:8

Nake Jesû nîwatûmire Petero na Johana akîmeera atîrî, “Thiîni mûkavarîrie irio cia pasaka nîguo tûke tûrîe.”

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

Ciîko 11:1

Nao atûmwa na etîkia arîa maarî Judea nîmegwire atî wana andû a ndûrîrî nîmaamûkîrîte kiugo Kîam Ngai.

Ciîko 15:4

Na rîrîa maakinyire Jerusalemu, nîmaagwatirwe ûgeni nî kanitha, atûmwa na athuuri. Nao Paûlo, Baranaba na andû acio engî nîmaavecanire ûvoro wîgiî maûndû monthe marîa Ngai eekîte kûvîtûkîra kûrî o.

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Ciîko 2:41

Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Agal 2:9

Nao Jakuvu, Petero na Johana, arîa moonekaga marî atongoria nîmaamenyire waro viû atî Ngai nîwamveete wîra ûyû wa mwanya. Kwoguo nîmaakethirie Baranaba na makîngethia. Ngethi ciao ciarî ta kîonereria gîa atî tuonthe tûrutaga wîra ûmwe. Nîtwetîkanirie atî Baranaba nanie tûrute wîra gatagatîrî ka andû a Ndûrîrî, nao marute wîra gatagatîrî ka Ayahudi.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

2Ath 2:10

Nîagaatûmîra waganu wa mîthemba yonthe nîguo aveenie andû arîa makaathirua. Magaakua nîûndû nîmaaregire kwamûkîra na kwenda ûma nîguo mavonokue.