Ciîko 7:8 - ÎVUKU RÎA ÛVORO MWARO

⁸ Ngai nîwarûthire kîrîkanîro na Iburahimu, na ruo rûûri rwa kîrîkanîro kîu rwarî îrua. Kwoguo Iburahimu nîwaciarire Isaka, na akîmûrwithia akinyia ûkûrû wa mîthenya înana. Isaka nake nîwarwithirie mûvîcî Jakovu, na Jakovu akîrwithia avîcî ake îkûmi na aîrî arîa maarî methe ma tene ma andû etû.

Ciîko 7:8 ပူးပေါင်းရင်းမြစ်များ

Kîam 29:31

Ngai-Mûnene nîwonire atî Rakeli aarî mwende gûkîra Lea, na kwoguo nîwatûmire Lea agîe na ciana nake Rakeli atuîke nthata.

Kîam 30:5

Biliha nîwagîre îvu na agîciarîra Jakovu kavîcî.

Kîam 35:16

Jakovu na andû a mûciî wake nîmaaumire Betheli. Na marî varaca na Efiratha, îvinda rîa Rakeli rîa kûgîa na mwana nîrîakinyire, na aarî na ûrûrû mwîngî mûno wa gûciara.

Kîam 35:18

Rakeli nîkwa aakucaga, nwatî mbere ya atigithana, nîwetire kaana kau Benoni, nwatî îthe agîgeta Benjamini.

1Maû 1:34

Isaka mûvîcî wa Iburahimu nîwaciarire anake aîrî. Ûmwe eetagwa Esaû na ûcio wîngî eetagwa Jakovu.

Mathaayo 1:2

Methe make ma tene maarûmanîrîrîte ta û: Iburahimu aarî îthe wa Isaka, Isaka îthe wa Jakovu, Jakovu îthe wa Juda na aa mûrwethe.

Johana 7:22

Musa aamwathire mûruithagie tûvîcî twenyu (wana gûtuîka mûtugo ûcio ndwambîrîrue nî Musa, nwatî wambîrîrue nî methe menyu ma tene) na kwoguo rîu nîmûruithagia tûvîcî mûthenya wa thavatû.

Ciîko 2:29

“Ariû na aarî a Îthe wetû, nie nwa nginya nîmwîre nyûmîrîrîtie, ûvoro wîgiî Mûthamaki Daudi ûrîa warî îthe wetû wa tene. Ke nîwakwire na akîthikwa. Na nginya mûthenya ûyû wa ûmûnthî, mbîrîra yake îrî gûkû gwetû.

Aroma 4:10

Maûndû mama mekîkire rî? Nî mbere ya kûrua kana nî vuva? Ngai aatuire Iburahimu Mûthingu mbere ya kûrua.

Agal 3:15

Ariû na aarî a îthe wetû, nîngûmûva ngerekano ya maûndû marîa mwonaga wa mûthenya. Andû aîrî mangîrîkanîra ûndû na mawîtîkanîrie, gûtirî mûndû ûngîcûkia kana ongerere kîndû ûndûrî ûcio.

Agal 3:17

Ûrîa nîrageria kuga nî atî Ngai nîweranîre atî nîakwiga kîrîkanîro kîrîa maarîkanîre na Iburahimu. Watho ûrîa wacokire kûvecanwa vuva wa mîaka magana mana ma mîrongo îthatû, ndûngiuna kîrîkanîro kana ûregana na kîîranîro Kîam Ngai.

Ahib 7:4

Mue nîmûrona ûrîa aarî Mûnene. Iburahimu îthe wetû wa tene aamûgaîre gîcunjî gîa îkûmi Kîam indo ciake irîa aatavîte arî mbaararî.