Ciîko 7:60 - ÎVUKU RÎA ÛVORO MWARO

⁶⁰ Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

Ciîko 7:60 ပူးပေါင်းရင်းမြစ်များ

Ezira 9:5

Rîrîa kavinda gaakinyire ka îgongoona rîa kîvwaî, nînaûkîrire ngiuma varîa nekarîte nthî nîrî na kîeva. Nîrî na nguo icio ndembûkangu, nînaturirie maru nîguo mvoe na ngîûkîrîria njara ciakwa na îgûrû kûrî Ngai-Mûnene, Ngai wakwa.

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Mathaayo 27:52

Mbîrîra nîciavingûkire, na andû a Ngai eengî arîa maakuîte nîmaariûkirue;

Mathaayo 5:44

Nwatî rîu nie nîramwîra atîrî: endagani nthû cienyu na mûvoyagîre arîa mamûnyariraga,

Luka 22:41

Jesû nîwacokire akîmatiga, akîthiî vandû wata varîa mûndû angîvota gwikia îthiga, na aaturia maru nîwavoire atîrî,

Luka 23:34

Nake Jesû nîwaugire atîrî, “Ngai Vava, movere nîûndû matiîcî ûrîa mareka.” Nao nîmaaûthîre nguo cia Jesû nîguo mamenye ûrîa makûigaana.

Luka 6:28

Arîa mamwimagîra irî, metagîrieni kîrathimo kuuma kûrî Ngai, na mûvoyagîre arîa mamwîkaga naaî.

Johana 11:11

Jesû arîkia kuga ûguo nîwacokire akiuga atîrî, “Mûrata wetû Lazaro nîkwa amamîte nwatî nîngûthiî kûmûkîria.”

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Ciîko 20:36

Na vîndî îrîa Paûlo aarîkirie kuga ûguo, ke nîwaturirie maru vamwe na andû acio onthe, na makîvoya.

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.

Ciîko 9:40

Nwatî Petero nîwerire andû onthe arîa maarî kuo maume nja. Nake nîwaturirie maru na akîvoya. Nîwacokire akîvûgûka na kûrîa mwîrî ûcio warî na akiuga atîrî, “Tabitha, ûkîra!” Nake nîwavingûrire metho, na vîndî îrîa oonire Petero, nîwekarire nthî.

1Akor 11:30

Na kîu nîkîo gîtûmaga engî gatagatîrî kenyu methîrwe matarî na vinya na marî arwaru na amwe nî akuû.

1Akor 15:18

Wana rîngî nî kuga atî etîkia arîa maakwire metîkîtie Kristû nî kûra maaûrire.

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

1Akor 15:51

Tathikîrîriani nîmwîre nthitho: Tuonthe tûtigaakua, nwatî tuonthe nîtûkaagarûrûa,

1Akor 15:6

Kristû nîwacokire akiumîrîra etîkia makîria ya magana matano. Eengî gatagatîrî kao marî mwoyo, nwatî amwe nî akuû.

1Ath 5:10

Jesû aakwire nîûndû wetû nîguo tûtûûrage vamwe nake, wana ethîrwa tûrî mwoyo kana tûrî akuû.

2Tim 4:16

Rîrîa naavirirwe cirarî vîndî ya mbere ngeyarîrîrie, gûtirî mûndû warî mbarî yakwa, onthe nîmaandiganîrie.

2Pet 3:4

makiugaga atîrî, “Na kinthî ndaamwîrire nîagaaûka? Arî kû rîu? Nîûndû kuuma wa rîrîa methe metû ma tene maakwire, kwîthîrîtwe gwîkariî wa ta ûrîa gwekariî kuuma wa Kîammbîrîria gîa kûmbwa kwa nthî!”