Ciîko 7:45 - ÎVUKU RÎA ÛVORO MWARO

⁴⁵ Vuvarî methe metû ma tene nîmaamûkîre îgema rîu kuuma kûrî methe mao. Nao nîmaarîkuuire vîndî îrîa maathiîre na Joshua na makîrîkinyia vûrûrirî ûrîa wacokire gûtuîka wao Ngai arîkia kûrutûrûra ndûrîrî irîa ciatûûraga kuo. Narîo nîrîekarire kuo nginya vîndî ya Daudi.

Ciîko 7:45 ပူးပေါင်းရင်းမြစ်များ

1Atha 8:4

na makîrîvira hekarûrî. Alawi na athînjîri-Ngai nîmaakuuire Îgema rîa Ngai-Mûnene na indo irîa nyamûre ciarî îgemarî na makîivira hekarûrî.

1Maû 16:39

Daudi nîwatigire Zadoku mûthînjîri-Ngai na athînjîri-Ngai acio engî matungatagîre Ngai-Mûnene kûu Gibeoni varîa Ngai-Mûnene aagoocagîrwa.

1Maû 21:29

nîûndû îgema rîa Ngai-Mûnene, rîrîa rîatumirwe nî Musa arî werûrî wa Gibeoni na metha ya kîgongoona îrîa yavîvagîrua matega yarî Gibeoni kavinda kau.

1Maû 7:27

Elishama aarî îthe wa Nuni, nake Nuni aarî îthe wa Joshua.

Nehemia 9:24

Kwoguo njiarwa ciao nîciatonyire na nîciegwatîre vûrûri ûcio, na nîwavootire andû arîa maatûûraga kuo. Andû acio maarî Akanaani, nîwavere andû aku vinya, nîguo meke wa ûrîa mangîendire andû a Kanaani vamwe na Athamaki.

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Thaburi 78:55

Wa ûrîa andû ake maatonyaga vûrûrirî ûcio, nwaguo eengataga andû arîa maatûûraga kuo; nîwagaîre mîvîrîga ya Isiraeli vûrûri ûcio, na agîtûma andû a Isiraeli matûûre magemarî ma andû acio.

Thaburi 80:8

Waretire mûthavibu kuuma Misiri, ûkîvinyûria ndûrîrî irîa ciîngî, na ûkîûvanda vûrûrirî wao.

Ciîko 13:19

Ngai nîwathiririe ndûrîrî mûgwanja irîa ciarî vûrûrirî wa Kanaani na akîvecana vûrûri ûcio kûrî andû ake.

Gûco 32:49

“Unûkia kîrîmarî Kîam Abarimu vûrûrirî wa Moabu ûrîa ûng'ethanîrîte na îtûûra rîa Jeriko ûkarorie vûrûri wa Kanaani, ûrîa ngûva andû a Isiraeli ûtuîke wao.

Ahib 4:8

Kethîrwa Joshua nîwavere andû kîvurûko kîrîa meerîrîtwe, Ngai ndangîacokire kwaria vuvarî ûvoro wîgiî mûthenya wîngî.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Josh 23:9

Nîmwatharîkîre ndûrîrî ciarî na vinya na nene na Ngai-Mûnene nîwaciîngatire. Gûtirî rûrîrî wana rûmwe rwavotire kûmwîtirîria.

Josh 24:18

Amori nîo maatûûraga gûkû vîndî îo, nwatî Ngai-Mûnene nîwamengatire nîguo tûke tûtûûre gûkû. Kwoguo wanatue tûgaatungatagîra Ngai-Mûnene, nîke Ngai wetû.”

Atir 18:31

Mûvuanano ûrîa Mika aathondekete wekarire kuo mîthenya yonthe îrîa îgema rîrîa Ngai aagoocagîrwa rîekarire Shilo.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.