Ciîko 7:44 - ÎVUKU RÎA ÛVORO MWARO

⁴⁴ Methe metû ma tene maarî na îgema rîa kwonania atî Ngai aarî vamwe nao werûrî. Ngai nîwerire Musa ûrîa akûthondeka îgema rîu na Musa akîrîthondeka kûringana na ûrîa Ngai aamwonetie.

Ciîko 7:44 ပူးပေါင်းရင်းမြစ်များ

1Maû 28:11

Daudi nîwacokire akînengera mûvîcî Solomoni mûvano wa mwako wonthe wa hekarû, tûnyomba twayo, nyomba cia kwigwa indo, tûnyomba twa îgûrû, tûnyomba twa ndaarî na vandû varîa vatheru Mûno varîa andû mathiîcaga nîguo makarekerwe mevia mao.

1Maû 28:19

Mûthamaki Daudi nîwaugire atîrî, “Maûndû mama monthe nînîmandîkîte nûmîrîrîte ûtaari kuuma kûrî Ngai-Mûnene ke mwene na nîwamvotithirie gûtaûkîrwa nî mûvano ûcio wonthe.”

2Maû 24:6

Kwoguo mûthamaki nîwetire Jehoiada, mûnene wa athînjîri-Ngai na akîmûria atîrî, “Ûregete kwîra Alawi maûnganie gooti kuuma kûrî andû a Juda na Jerusalemu nîkî îrîa Musa ndungata ya Ngai-Mûnene aathanire îrutagwe nîûndû wa gûtuma îgema rîa Ngai-Mûnene?”

Ntha 25:40

Menyerera ûrûthe indo icio cionthe kûringana na ûrîa naakwonirie ciîkariî rîrîa warî kîrîmarî.”

Ntha 26:30

Ûgaatuma îgema kûringana na ûrîa wataarîrue ûvoro warîo ûrî kîrîmarî.

Ntha 27:8

Ûkaarûtha metha ya kîgongoona na mbaû ta îthandûkû rîtarî îkunîke. Ûkaamîrûtha kûringana na ûrîa naagûtarîrie ûrî kîrîmarî.

Ntha 38:21

Ûyû nîguo mûtaratara wa cuuma irîa ciatûmîkire gûtuma îgema rîa Ngai-Mûnene kûringana na ûrîa Musa aathanire itarwe. Îgemarî rîu nîkuo kwaigagwa ivengere igîrî irîa ciandîkîtwe maathani îkûmi. Cuuma icio ciatarirwe nî Alawi arîa maarutaga wîra marûngamîrîrîtwe nî Ithamaru mûvîcî wa Aroni, mûthînjîri-Ngai.

Ndari 10:11

Îtu rîrîa rîarî îgûrû rîa îgema rîa gûcemanîrua nîrîathengutire mûthenya wa mîrongo îîrî mweri wa kaîrî mwaka wa kaîrî kuuma andû a Isiraeli mauma Misiri.

Ndari 18:2

Kwoguo îta andû enyu a mûvîrîga wa Lawi nîguo mamûtethagie rîrîa we na avîcî aku mûratungata îgemarî rîa gûcemanîrua.

Ndari 9:15

Mûthenya ûrîa îgema rîa gûcemanîrua rîarûngamirue, îtu nîrîaûkire rîkîrîkunîkîra. Îtu rîu rîethagîrwa rîrî îgûrû rîa îgema rîa gûcemanîrua ûtukû wonthe na rîekariî ta mwaki.

Ahib 8:2

Ke atungataga ta Mûthînjîri-Ngai ûrîa mûnene varîa vatheru Mûno îgemarî rîa ma rîrîa rîathondekirwe nî Mwathani nwatî tî mûndû.

Ahib 8:5

Wîra ûrîa marutaga ta athînjîri-Ngai, nî mûvuano na kîruru Kîam maûndû marîa marî Îgûrû. Ûguo nwa ta guo gwekariî rîrîa Musa eendaga gûtuma îgema rîtheru. Ngai aamwîrire atîrî, “Menyerera ûthondeke maûndû monthe na njîra ta îrîa wonirue kîrîmarî.”

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Josh 3:14

Rîrîa andû a Isiraeli maaumire varîa maambîte magema mao, athînjîri-Ngai arîa maakuuîte îthandûkû rîa kîrîkanîro maarî mbere yao.