Ciîko 7:30 - ÎVUKU RÎA ÛVORO MWARO

³⁰ “Rîrîa mîaka mîrongo îna yathirire, Musa arî werûrî wa kîrîma gîa Sinai nîwaumîrîrwe nî mûraika arî kîvîngarî kîrîa gîakanaga mwaki.

Ciîko 7:30 ပူးပေါင်းရင်းမြစ်များ

1Atha 19:8

Kwoguo Elija nîwaûkîrire, akîrîa na akînyua na irio icio nîciamwîkîrire vinya na akîthiî rûgendo rwa mîthenya mîrongo îna, ûtukû na mûthenya akîthiî Horebu, kîrîmarî Kîam Ngai.

Thaburi 66:12

Nîwatûmire nthû cietû itûkinyange; tûnyamarîte ta andû mavîtûkîrîrîte mwaki na mwîcûrorî wa manjî; nwatî nîûtûretete kûndû kûrî na ûgitîri.

Ntha 3:6

Nie nînie Ngai wa methe menyu ma tene, Ngai wa Iburahimu, Isaka na Jakovu.” Nake Musa nîwakunîkire ûthiû wake nîûndû nîwetigagîra kûroria Ngai.

Ntha 7:7

Kavinda kau maaragia na mûthamaki wa Misiri Musa aarî na mîaka mîrongo înana nake Aroni aarî na mîaka mîrongo înana na îthatû.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Danieli 3:27

Nao athani, anene, arîa marî rungu rwa anene, na atongoria arîa engî a mûthamaki nîmacemanirie kwîyonera arûme acio athatû arîa mwaki waremirwe nî kûmavîvia. Njuîrî na nguo ciao itiavutua nî mwaki, na matianunga ndogo.

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Maariko 12:26

Naguo ûvoro wîgiî kûriûkua gwa akuû-î, anga mûtiathoma îvukuurî rîa Musa gîcunjî kîrîa kîgiî kîvînga kîrîa gîaakanaga mwaki? Gîcunjîrî kîu kwandîkîtwe ûrîa Ngai aarîrie Musa akîmwîra atîrî, ‘Nie nînie Ngai wa Iburahimu, Ngai wa Isaka, na Ngai wa Jakovu.’

Luka 20:37

Wana nginya Musa ke mwene nîwonanîtie na ma atî akuû nîmariûkagua gîcunjîrî kîrîa kîgiî kîvînga kîrîa gîaakanaga mwaki, rîrîa eetire Mwathani, ‘Ngai wa Iburahimu, Ngai wa Isaka, na Ngai wa Jakovu.’

Ciîko 7:17

“Rîrîa kavinda gaakuvîvîrie ka Ngai kûvingia kîîranîro kîrîa eerîrîte Iburahimu, andû arîa maarî Misiri nîmoongererekete mûno.

Ciîko 7:31

Musa nîwamakire mûno rîrîa oonire ûguo. Na rîrîa aakuvîvîrie nîguo one waro, nîwegwire mûgambo wa Mwathani ûkiuga atîrî:

Ciîko 7:32

‘Nie nînie Ngai wa methe menyu ma tene, Ngai wa Iburahimu, Isaka na Jakovu.’ Nake Musa nîwambîrîrie kwinaina na akîgua guoya wa kûroria.

Ciîko 7:35

“Musa ûcio nwake waregirwe nî andû a Isiraeli rîrîa maamûûririe atîrî, ‘Nû ûgûtuire mûnene wetû na mûtûtuîri ciira?’ Ke nwake watûmirwe nî Ngai arî mûnene na mûkûri wao na njîra ya mûraika ûrîa wamumîrîre kîvîngarî kîrîa gîaakanaga mwaki.

Agal 4:25

Hagari nî ta kîrîma gîa Sinai kîrîa kîrî Arabia na nîke mûvano wa îtûûra rîa Jerusalemu rîrîa rîrî vo vîndî îno na rîrî ûkomborî vamwe na andû arîo onthe.

Gûco 33:16

Vûrûri wao nîwîcûrwe nî indo cionthe mbaro, ûrorathimwa nîûndû wa ntha cia Ngai-Mûnene, ûrîa waririe arî kîthakarî kîrîa gîakanaga mwaki. Irathimo icio nîikinyîre mûvîrîga wa Josefu, nîûndû nîke warî mûtongoria gatagatîrî ka aa mûrwang'ina.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.