Ciîko 7:25 - ÎVUKU RÎA ÛVORO MWARO

²⁵ (Musa eeciragia atî andû a rûrîrî rwao nîmagûtaûkîrwa atî Ngai eendaga kûmûtûmîra nîguo amakûûre, nwatî matiataûkîrwa.)

Ciîko 7:25 ပူးပေါင်းရင်းမြစ်များ

2Atha 5:1

Naamani ûrîa warî mûnene wa athigari a mbaara a mûthamaki wa Sîria nîwendetwe na agatîwa mûno nî mwathi wake, nîûndû na njîra yake Ngai-Mûnene nîwavete andû a Sîria vinya wa kûvootana. Aarî mûthigari njamba, nwatî arî mûrwaru mûrimû mûcûku wa ngothi.

Thaburi 106:7

Rîrîa methe metû maarî Misiri, matiataûkîrwa nî ciîko cia magegania irîa Ngai eekire, matiaririkana ûrîa aamoonirie wendo ûtathiraga maita meengî, nwatî nîmaareganire na ûrîa ûrî Îgûrû Mûno marî îriarî îtune.

Ntha 2:12

Musa nîwaroririe na mîena yonthe one kana kûrî na mûndû wamwonaga. Na rîrîa oonire atî gûtirî na mûndû wamwonaga, ke mwene nîwaûragire Mûmisiri, na akîthithania mwîrî wake na mûthanga.

Maariko 9:32

Nwatî arutwa matiataûkîrwa nî ûrîa aaugaga. Nao nîmeetigîre kûmûria.

Luka 18:34

Nwatî arutwa matiataûkîrwa nî maûndû mau. Maûndû marîa Jesû aaugaga maarî na nthitho, kwoguo matiamenya ûrîa aaugaga.

Luka 9:45

Nwatî arutwa nao matiataûkîrwa nî ûrîa Jesû eendaga kuga. Ûndû ûcio warî mûthithe kuuma kûrî o nîguo matikaûmenye na nîmeetigagîra kûmûria ûrîa eendaga kuga.

Ciîko 14:27

Na rîrîa Paûlo na Baranaba maakinyire Antiokia, nîmaacokanîrîrie andû a kanitha vamwe, na makîmeera maûndû monthe marîa Ngai eekîte na njîra yao. Nîmaamerire wana ûrîa Ngai aavete andû a ndûrîrî kanya ga gwîtîkia.

Ciîko 15:4

Na rîrîa maakinyire Jerusalemu, nîmaagwatirwe ûgeni nî kanitha, atûmwa na athuuri. Nao Paûlo, Baranaba na andû acio engî nîmaavecanire ûvoro wîgiî maûndû monthe marîa Ngai eekîte kûvîtûkîra kûrî o.

Ciîko 15:7

Na Vuva wa kwarîrîria ûndû ûcio kwa îvinda îraca, Petero nîwamerire atîrî, “Ariû na aarî a îthe wetû, mue nîmwîcî atî vingo ya tene Ngai nîwanthuurire kuuma gatagatîrî kenyu, nîguo mvunjie Ûvoro Mwaro kûrî andû a ndûrîrî. Nao nîmegwire Ûvoro Mwaro kuuma kûrî nie na magîtîkia.

Ciîko 21:19

Paûlo nîwamakethirie na akîmeera maûndû monthe marîa Ngai eekîte gatagatîrî ka andû a ndûrîrî na njîra ya wîra wake.

Ciîko 7:24

Nîwonire Mûisiraeli ûmwe agîkwa naaî nî Mûmisiri. Kwoguo nîwatethererie Mûisiraeli ûcio na akîmûrîvîrîria na kûûraga Mûmisiri ûcio.

Ciîko 7:26

Mûthenya ûcio warûmîrîrîte, Musa nîwonire Aisiraeli aîrî magîtetania. Nake akîgeria kûmeguithania nîwamerire atîrî, ‘Andû etû mûravîtania nîkî na mue mûrî a ng'ina ûmwe?’

Aroma 15:18

Ngaaragia tu nîrî na ûmîrîru ûvororî wîgiî ûrîa Kristû ekîte kûrî nie, akandûmîra nîguo andû a Ndûrîrî mathîkîre Ngai na njîra ya ciugo na ciîko ciakwa,

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 3:9

Tue tûrî aruti a wîra wa Ngai tûkîrutithania vamwe, namue nîmue mûgûnda wa Ngai na nwa mue nyomba ya Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

Atir 15:12

Arûme acio a Juda nîmeerire Samusoni atîrî, “Tûkire gûkû nîguo tûkûove na tûkûvire kûrî Afilisiti.” Nake Samusoni nîwamerire atîrî, “Îîvîteni kûrî nie atî, mue ene tîmûmbûraga.”

1Sam 14:45

Nao andû nîmeerire Saûlo atîrî, “Kûngîvoteka atîa Jonathani akue na arutîte wîra mûnene ûguo wa gûtûma andû a Isiraeli mavootane? Naarî! Tue nîtwevîta na Ngai-Mûnene ûrîa ûtûûraga mwoyo atî, gûtirî wanarî rûcuîrî rûmwe rûkauma kîongorî gîake. Ûrîa ekire ûmûnthî wîkîkire na ûtethio wa Ngai.” Kwoguo andû nîmaavonokirie Jonathani kuuma gîkuûrî.

1Sam 19:5

Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”