Ciîko 7:2 - ÎVUKU RÎA ÛVORO MWARO

² Nake Stefano nîwamûcokerie atîrî, “Ariû a Îthe wetû na aa vava, tanthikîrîriani! Vîndî îrîa Iburahimu, îthe wa methe metû ma tene, ataarî mûthiîu gûtûûra Harani, Ngai mwene riiri nîwamumîrîre arî Mesopotamia,

Ciîko 7:2 ပူးပေါင်းရင်းမြစ်များ

Kîam 11:31

Tera nîwocire mûvîcî Aburamu na mûcûkûrûwe Loti ûrîa warî mûvîcî wa Harani. Nîwocire Sarai mûka wa mûvîcî Aburamu, makiuma kûu Uri gwa Akalidei, nîguo mathiî vûrûrirî wa Kanaani. Nwatî rîrîa maakinyire vûrûrirî wa Harani, nîmaatûûrire kuo.

Kîam 12:1

Ngai-Mûnene nîwerire Aburamu atîrî, “Uma vûrûri ûyû wenyu, ûtige andû enyu, mûciî wa aguo, na ûthiî vûrûri ûrîa ngaakwonia.

Kîam 12:5

Aburamu nîwocire mûka Sarai na Loti mwana wa mûrwang'ina, ûtonga wao wonthe, ngombo irîa maagîte nacio marî Harani, na makîthiî Kanaani. Na rîrîa maakinyire vûrûrirî wa Kanaani,

Kîam 15:7

Nîwacokire akîmwîra atîrî, “Nînie Ngai-Mûnene ûrîa wagûtongoririe kuuma Uri ya Akalidei nîguo mbûke ngûve vûrûri ûyû ûtuîke waku.”

Kîam 29:4

Jakovu nîwaûririe arîthi atîrî, “Mumîte kû arata akwa?” Nao nîmaamûcokerie atîrî, “Tumîte Harani.”

Nehemia 9:7

We Ngai-Mûnene Ngai nîwathuurire Aburamu, ûkîmûruta kuuma Uri ya Akalidei. Ûkîgarûra rîîtwa rîake agîcoka gwîtwa Iburahimu.

Thaburi 24:10

Mûthamaki ûcio ûrî riiri nû? Nî Ngai-Mûnene, mwene vinya wonthe, ke nîke Mûthamaki ûrî riiri!

Thaburi 24:7

Vingûkani mue ivingo, vingûkani mue ivingo cia tene, nîguo Mûthamaki ûrîa ûrî riiri atonye.

Thaburi 29:3

Mûgambo wa Ngai-Mûnene nî wîguîkaga manjîrî meengî; Ngai ûrîa ûrî riiri agambaga ta wa ngûa, mûgambo wa Ngai-Mûnene ûragamba ûrî îriarî.

Isaia 37:12

Methe makwa nîmaacûkangirie mavûrûri ma Gozani, Harani, Rezefu na andû a Edeni arîa maatûûraga Telasari; ngai cia mavûrûri mau nîciamavonokirie?

Isaia 51:2

Taîcirieni ûvoro wa Iburahimu, îthe wenyu wa tene, na ûvoro wa Sara ûrîa wamûciarire. Iburahimu aarî wenga rîrîa namwîtire, nwatî nînamûrathimire na ngîmûva ciana nyîngî.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 12:41

Isaia aaugire ûguo nîûndû nîwonire riiri wa Jesû na akîaria ûvoro ûmwîgiî.

Ciîko 22:1

“Mue ariû a îthe wetû na aa vava, rîu tanthikîrîriani ngîîtetera nîrî ava mbere yenyu!”

Ciîko 23:7

Rîrîa Paûlo aaugire ûguo, Afarisai na Asadukai nîmaambîrîrie gûkararania na gûkîgîa na ngaûkano kûu gîkundirî kîu.

Ciîko 7:1

Mûthînjîri-Ngai ûrîa mûnene nîwaûririe Stefano atîrî, “Maûndû mama nî ma ma?”

1Akor 2:8

Gûtirî mûnene wana ûmwe wa gûkû nthî wamenyire ûûgî ûcio. Nîûndû mangîaûmenyete matingîambire Mwathani ûrîa ûrî riiri mûtharavarî îgûrû.

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 11:8

Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.

Jakuvu 2:1

Ariû na aarî a îthe wetû, ta etîkia a Mwathani Jesû Kristû ûrîa ûrî riiri, mûtikanecirie atî andû amwe marî vata gûkîra arîa engî.

Josh 24:2

Nake Joshua nîwamerire atîrî, “Ngai-Mûnene, Ngai wa Isiraeli augîte atîrî, ‘Methe menyu ma tene maatûûraga mwena ûrîa wîngî wa rûnjî rwa Farati na nîmaagoocaga ngai ciîngî. Ûmwe wa methe mau ma tene aarî Tera îthe wa Iburahimu na Nahoru.

Kûguû 4:11

“We Mwathani Ngai wetû! Ûrî mwagîrîru wa kwamûkîra riiri, gîtîîo na vinya. Nîûndû we nîwe waûmbire indo cionthe. We nîwe wendire igîe kuo, na igîe mwoyo.”