Ciîko 7:16 - ÎVUKU RÎA ÛVORO MWARO

¹⁶ Nayo mîîrî yao nîyakuirwe îkîvirwa Shekemu na îkîthikwa mbîrîrarî îrîa Iburahimu aagûrire. Mbîrîra îo yagûrîtwe kuuma kûrî mbarî ya Hamori.

Ciîko 7:16 ပူးပေါင်းရင်းမြစ်များ

Kîam 23:16

Iburahimu nîwetîkîrire na akîthimîra Efironi mbeca irîa ke aagwetete andû onthe marî vo. Nacio ciarî sîlûva magana mana ithimîtwe na kîthimi kîrîa kîegucanîrîtwe nî andû arîa magûraga makîendagia indo.

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 35:19

Kwoguo Rakeli nîwakwire na akîthikwa mûkîrarî wa njîra ya kûthiî Efiratha na nîyo Bethilehemu.

Kîam 47:30

Nîrenda ngaathikwa kûrîa aa vava marî. Ûkaanguua ûndute gûkû Misiri, ûkanthike kûrîa maathikirwe.” Nake Josefu nîwacokirie atîrî, “Nîngeka wata ûrîa wambûria.”

Kîam 50:12

Kwoguo avîcî a Jakovu nîmeekire wata ûrîa amaathîte.

Kîam 50:13

Nîmaakuuire mwîrî wake makîûvira Kanaani na makîûthika ngurungarî îrîa yarî mûgûndarî wa Makipela mwena wa îrathîro wa Mamure. Ngurunga îo nî îrîa Iburahimu aagûrire wa vamwe na mûgûnda kuuma kûrî Efironi ûrîa Mûhiti nîguo agîe na vandû va kûthikanaga.

Ntha 13:19

Musa nîwakuire mavîndî ma Josefu, nîûndû Josefu nîwevîtithîtie andû a Isiraeli akîmeera atîrî, “Rîrîa Ngai akaamûvonokia, mue nwanginya mûgaakua mavîndî makwa kuuma gûkû.”

Josh 24:32

Andû a Isiraeli makiuma Misiri nîmaakuuire mavîndî ma Josefu. Nao nîmaamathikire Shekemu mûgûndarî ûrîa Jakovu aagûrîte kuuma kûrî avîcî a Hamori îthe wa Shekemu. Mûgûnda ûcio wagûrîtwe mbeca cia sîlûva îgana rîmwe. Mûgûnda ûyû nîwacokire ûgîtuîka wa njiarwa cia Josefu.