Ciîko 6:9 - ÎVUKU RÎA ÛVORO MWARO

⁹ Nwatî andû amwe arîa maarî a îvoero rîrîa rîtagwa (rîa andû oovore) nîmaambîrîrie gûkararania nake. Amwe maaumîte Kurene na Alekisandiria. Nao engî maaumîte Kilikia na Asia.

Ciîko 6:9 ပူးပေါင်းရင်းမြစ်များ

Mathaayo 10:17

Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Mathaayo 27:32

Marî njîrarî, nîmaatûnganire na mûndû waumîte Kurene wetagwa Simoni na makîmûringîrîria akuuîre Jesû Mûtharava.

Maariko 13:9

“Îîmenyagîrîreni nîûndû nîmûkaanyitwa na mûcirithîrue ciamarî cia athuuri. Wana nîmûkaarivîrwa mavoerorî, na mûrûngamue mbere ya anene na athamaki nîûndû wakwa ûrî ta ûira kûrî o.

Luka 21:12

Nwatî mbere ya maûndû mama monthe mekîke, mue nîmûkaanyitwa na mûnyarirwe. Nîmûkaanenganîrwa nîguo mûcirithîrue mavoerorî na mwikue njeera na mûcoke mûvirwe mbere ya athamaki na aathani nîûndû wakwa.

Ciîko 11:20

Amwe gatagatîrî ka etîkia acio maarî andû a kuuma Kuporo na Kurene. Na rîrîa o maakinyire Antiokia, nîmaarîrie wana Angiriki na makîmavunjîria Ûvoro Mwaro wîgiî Mwathani Jesû.

Ciîko 13:1

Kanitharî wa Antiokia nîkwarî na arathi na arimû aya: Baranaba, Simioni (ûrîa wetagwa Mwirû), Lukio (wa kuuma Kurene), na Manaini (ûrîa wareranîrîtue vamwe na Herode ûrîa warî mûnene), na Saûlo.

Ciîko 13:45

Na rîrîa Ayahudi moonire kîrîndî, nîmecûrirwe nî wîru, magîkararia maûndû marîa Paûlo aaragia, na makîmûruma.

Ciîko 15:23

na makîmatûma, na maarûa îrîa yandîkîtwe atîrî: “Tue atûmwa na athuuri, ariû na aarî a îthe wetû nîtwamûkethia mue ariû na aarî a îthe wetû andû a ndûrîrî arîa mûrî Antiokia, Sîria na Cilicia.

Ciîko 15:41

Nake Paûlo nîwavîtûkîrîre Sîria na Cilicia agîkagîra makanitha vinya.

Ciîko 16:6

Nake Paûlo na andû arîa maathiîcanîtie nake nîmaavîtûkîrîre mavûrûrirî ma Furîgia na Galatia nîûndû Roho Mûtheru nîwamagiririe matikavunjie Ûvoro Mwaro kûu vûrûrirî wa Asia.

Ciîko 18:24

Na kavindarî wa kau, Mûyahudi ûmwe wetagwa Apolo na waciarîrîtwe Alekisandiria, nîwaûkire kûu Efeso. Ke aarî mûndû waicî kwaria waro na waicî Mandîko Matheru waro.

Ciîko 19:10

kwa îvinda rîa mîaka îîrî. Na nîûndû wa ûguo, Ayahudi onthe na andû a ndûrîrî onthe arîa maarî kûu vûrûrirî wa Asia, nîmegwire kiugo Kîam Mwathani.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

Ciîko 21:27

Nwatî rîrîa mîthenya mûgwanja yatigarîtie vanini îthire, Ayahudi amwe a kuuma vûrûrirî wa Asia nîmoonire Paûlo arî hekarûrî. Nao nîmaaunjugire kîrîndî kîonthe na makînyita Paûlo.

Ciîko 21:39

Nake Paûlo nîwamwîrire atîrî, “Nie nîrî Mûyahudi na naaciarîrwe Tariso vûrûrirî wa Kilikia. Nie nîrî mûndû wa kuuma îtûûrarî rîu rîa vata. Nie nîrakûthaitha ûmbîtîkîrie tu mbarîrie andû.”

Ciîko 22:19

Nwatî nînaugire atîrî, ‘Mwathani, o ene nîmaicî waro atî nie nînathiîcaga mavoerorî monthe, na arîa maagwîtîkîtie nînaamavingagîra njeera na ngamariva.

Ciîko 22:3

“Nie nîrî Mûyahudi, na naaciarîrwe Tariso vûrûrirî wa Kilikia, nwatî ngîrererwa gûkû îtûûrarî rîîrî rîa Jerusalemu. Gamalieli nîke wanthomithirie. Ke nîwanthomithirie na njîra îno mbîcûru viû ûvororî wîgiî Watho wa methe metû ma tene. Nie nînatungatagîra Ngai nîrî na kîîo kîîngî mûno wa tamue muonthe arîa mûrî ava ûmûnthî.

Ciîko 23:34

Mûnene ûcio nîwathomire maarûa îo na akîûria Paûlo atîrî, “We-î, wî wa kuuma kû?” Na rîrîa aamenyire atî Paûlo aarî wa kuuma Kilikia,

Ciîko 24:18

Rîrîa naarutaga magongoona nîrîo Ayahudi maambîthîrîrie nîrî hekarûrî. Nie naarî mûrîkiu mambura ma kwîtheria, na gûtirî kîrîndî twarî nakîo na gûtiarî na gacagaca.

Ciîko 26:11

Na kwa mavinda meengî nînatûmire maverithue marî mavoerorî na nînaageririe gûtûma marega wîtîkio wao. Na nîûndû wao nînaarakarire mûno nginya ngîthiî kûmarûmîrîria matûûrarî mageni nîguo nîmanyarire.

Ciîko 6:10

Nwatî Roho nîwavere Stefano ûûgî mwîngî wa kwaria ûndû matangîavotire kûmûkararia.

1Akor 1:20

Kwoguo tûngiuga atîa îgûrû rîgiî andû arîa aûgî? Tûngiuga atîa îgûrû rîgiî arimû a watho? Na tûngiuga atîa îgûrû rîa andû arîa marî wara mwîngî wa kwarîrîria maûndû? Ngai nîwonanîtie atî ûûgî wa gûkû nthî wîthagîrwa ûrî ûrimû.

Agal 1:21

Vuva wa ûguo Nînaathiîre icunjîrî cia Sîria na Cilicia.