Ciîko 6:7 - ÎVUKU RÎA ÛVORO MWARO

⁷ Kwoguo ndûmîrîri ya Ngai nîyathiîre na mbere gûtamba. Nao arutwa nîmoongererekire mûno kûu Jerusalemu, na athînjîri-Ngai eengî magîtuîka etîkia.

Ciîko 6:7 ပူးပေါင်းရင်းမြစ်များ

2Maû 29:34

Nwatî Athînjîri-Ngai maarî anini mûno na matingîavotire kûthînja nyamû icio cionthe cia matega ma kûvîvua. Kwoguo andû ao, Alawi nîmaamatethirie nginya wîra ûcio ûkîthira. Vîndî îo athînjîri-Ngai engî eengî nîmeetheretie. (Alawi meethagîrwa marî atheru gûkîra athînjîri-Ngai.)

2Maû 30:24

Hezekia, mûthamaki wa Juda nîwavere andû ndegwa ngiri îmwe na ng'ondu ngiri mûgwanja (7,000) cia kûrîwa nî andû. Nao anene nîmaaveere andû ndegwa ngiri îmwe (1,000) na ng'ondu ngiri îkûmi (10,000). Athînjîri-Ngai eengî nîmeetheririe.

Thaburi 132:16

Nîngecûria athînjîri-Ngai a kuo ûvonokio, nao andû a kuo nîmakaanîrîra nî gûkena.

Thaburi 132:9

Athînjîri-Ngai aku marotûûra marî athingu, na andû aku nîmanîrîre nî gûkena.

Mathaayo 19:30

Nwatî andû eengî arîa marî mbere rîu nîmagaatuîka a vuva, nao andû eengî arîa marî vuva rîu nîmagaatuîka a mbere.

Luka 2:34

Simioni nîwamarathimire, agîcoka akîîra Mariamu ng'ina wa Jesû atîrî, “Ngai athuurîte mwana ûyû nîguo acûkangie na avonokie andû eengî arîa marî vûrûrirî wa Isiraeli. Mwana ûyû akeethîrwa arî kîmenyithia kîrîa andû eengî makaaria maûndû macûku make,

Johana 12:42

Nakuo kwarî na anene eengî a Ayahudi maamwîtîkirie, na nîûndû nîmeetigagîra Afarisai nîmaaremirwe nî kwaria cararûkû ûvoro ûmwîgiî nîguo matikengatwe kuuma îvoerorî.

Ciîko 12:24

Nayo ndûmîrîri ya Ngai nîyathiîre na mbere na gûtamba na îgîkinyîra andû eengî.

Ciîko 13:8

Nwatî mûringi wa ciama ûcio wetagwa Elimasi nîwareganire nao. (Elimasi nî rîîtwa rîa rûthiomi rwa Kîngiriki rîa Mûrû wa Joshua.) Elimasi nîwaringîrîre mûnene ûcio akîmwîra atige gwîtîkia.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Ciîko 19:20

Na nîûndû wa maûndû mau ma vinya meekîkîte, andû eengî nîmegwire kiugo Kîam Mwathani na magîtîkia.

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 21:20

Rîrîa meegwire ûguo, nîmaakumirie Ngai. Nao nîmaacokire makîra Paûlo atîrî, “Mûrû wa îthe wetû, we nîûrona atî Ayahudi ngiri nyîngî nîmatuîkîte etîkia. Nao onthe nîmarûmagîrîra Watho wa Musa marî na kîîo kîîngî mûno.

Ciîko 6:1

Vuvarî arutwa nîmaathiîre na mbere kwongerereka. Nwatî vîndî wa îo, nîkwagîre na ngucanio gatagatîrî ka Ayahudi arîa maaragia Kîngiriki na Ayahudi arîa maaragia Kîhibirania. Ayahudi arîa maaragia Kîngiriki maaugaga atî aka ao a ndigwa nîmaatigagîrîrwa vîndî ya kûgaîrwa mbeca wa mûthenya wa mûthenya.

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 16:26

Na rîu, maûndû marîa mandîkîtwe nî arathi nîmatûmîte ûndû ûcio ûmenyeke. Ngai ûrîa ûtûûraga tene na tene nîwathanire atî ûvoro ûcio ûmenyithue andû onthe a nthî nîguo onthe metîkie na mathîkîre Ngai.

Agal 1:23

Mecî tu ûrîa andû engî maaugaga atî, “Mûndû ûrîa watûnyariraga, rîu nîaravunjia ûvoro wa wîtîkio ûrîa ke mwene aageragia kûthiria.”

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Akol 1:6

Ûvoro mwaro wîkaraga ûkîgîcaga na maciaro na nîûvunjagua nthî yonthe. Ûndû ûyû nîmûtuîkîku wana nginya gatagatîrî kenyu, nîûndû kuuma mûthenya ûrîa mwambîrîrie kwîgua ûvoro mwaro, nîmwambîrîrie gûtaûkîrwa nî ûma wîgiî wega wa Ngai.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.

Ahib 11:8

Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

Juda 1:20

Nwatî mue arata akwa, îkaragani mûgîkûraga wîtîkiorî wenyu ûrîa mûtheru viû. Voyagani mûrî na vinya wa Roho Mûtheru.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.