Ciîko 6:5 - ÎVUKU RÎA ÛVORO MWARO

⁵ Nao etîkia onthe nîmaakenerere woni ûcio. Kwoguo nîmaathuurire Stefano, mûndû warî na wîtîkio mwîngî na wecûrîtwe nî Roho Mûtheru, na Filipu, na Prokoru, Nikanoru, Timoni, Paraminasi na Nikola, mûûrûrîrî ûrîa waumîte Antiokia na wagarûrûkîte agatuîka Mûyahudi.

Ciîko 6:5 ပူးပေါင်းရင်းမြစ်များ

Kîam 41:37

Mûthamaki wa Misiri na ndungata ciake nîmoonire ûndû ûcio ûrî mwaro,

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Nthi 15:23

Kuga ûndû ûrîa mwagîrîru nî gûtûmaga mûndû agîe na gîkeno, na kuga ûndû vîndî îrîa mbagîrîru nî ûndû mwaro.

Mika 3:8

Nwatî nie, Ngai-Mûnene nîamvete vinya, na Roho wake nîamvotithîtie kûmenya ûma, na nîamvete kîvooto na ûvoti wa kwîra andû a Isiraeli na a Juda mevia mao.

Mathaayo 23:15

“Na kaî mue arimû a Watho na Afarisai mûrî na thîna-î! Mvinga ino. Mue mûringaga maria na mûgatuîkania mavûrûri nîguo mûgarûre mûndû ûmwe atuîke wa ndini yenyu. Na vîndî îrîa mwamûgarûra, nîmûtûmaga atuîke wa gûgaaikua îcuarî maita maîrî ma ûrîa mue mûgaaikua.

Ciîko 11:19

Nao etîkia nîmaanyaganirie nîûndû wa kûnyariirwa kûrîa kwagîîre kuo vîndî îrîa Stefano aarîkirie kûûragwa. Amwe gatagatîrî kao nîmaathiîre nginya magîkinya Foenike, Kuporo na Antiokia. Nao maathiîre kûu kuonthe makîvunjagia ndûmîrîri kûrî Ayahudi onga.

Ciîko 11:20

Amwe gatagatîrî ka etîkia acio maarî andû a kuuma Kuporo na Kurene. Na rîrîa o maakinyire Antiokia, nîmaarîrie wana Angiriki na makîmavunjîria Ûvoro Mwaro wîgiî Mwathani Jesû.

Ciîko 11:22

Naguo kanitha wa Jerusalemu nîwegwire ûvoro wîgiî maûndû mau monthe, na kwoguo nîwatûmire Baranaba athiî Antiokia.

Ciîko 11:26

Rîrîa aamwonire, nîwamûvirire Antiokia, na kwa îvinda rîa mwaka mûgima Saûlo na Baranaba nîmaatûnganire na andû a kanitha na makîthomithia andû gîkundi kînene. Antiokia nîkuo etîkia meetirwe Akristiano rîrî riita rî mbere.

Ciîko 11:27

Vîndî wa îo arathi amwe nîmaanyûrûrûkire kûu Antiokia maumîte Jerusalemu.

Ciîko 13:1

Kanitharî wa Antiokia nîkwarî na arathi na arimû aya: Baranaba, Simioni (ûrîa wetagwa Mwirû), Lukio (wa kuuma Kurene), na Manaini (ûrîa wareranîrîtue vamwe na Herode ûrîa warî mûnene), na Saûlo.

Ciîko 15:22

Kwoguo atûmwa, athuuri, na kanitha yonthe îrî vamwe, nîyatwire atî nîmakûthuura andû kuuma gatagatîrî kao nîguo mamatûme Antiokia marî na Paûlo na Baranaba. Nîmaathuurire andû aîrî arîa maatîîtwe mûno nî etîkia. Nao andû acio maarî Judasi ûrîa wetagwa Barasaba na Sailasi,

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Ciîko 21:8

Naguo mûthenya ûcio warûmîrîrîte nîtwaumire kûu Pitolemai na tûkîthiî îtûûrarî rîa Kaisarea. Kûu nîtwatonyire nyomba kwa Filipu ûrîa warî ûmwe gatagatîrî ka andû mûgwanja arîa maathuurîtwe matuîke atethereria kûu Jerusalemu.

Ciîko 22:20

O nwa maicî waro atî nie naarî vo vîndî îrîa Stefano, ûrîa warî mûira waku, aaûragirwe. Nie nînetîkanirie na ûndû ûcio. Nao arîa maamûûragire nînaamanyitîre magooti mao.’

Ciîko 6:10

Nwatî Roho nîwavere Stefano ûûgî mwîngî wa kwaria ûndû matangîavotire kûmûkararia.

Ciîko 6:3

Kwoguo, ariû na aarî a Îthe wetû gatagatîrî kenyu thuurani arûme mûgwanja marî na ngumo mbaro, mecûrîtwe nî Roho Mûtheru na marî na ûûgî mwîngî. Tue nîtûkûmava wîra ûcio marute.

Ciîko 6:8

Stefano ecûrîtwe nî vinya na wega wa Ngai, nîwaringire ciama nene na agîka maûndû meengî ma magegania gatagatîrî ka andû.

Ciîko 7:1

Mûthînjîri-Ngai ûrîa mûnene nîwaûririe Stefano atîrî, “Maûndû mama nî ma ma?”

Kûguû 2:15

Kwoguo wa namue mûrî na andû amwe gatagatîrî kenyu marûmagîrîra maûndû marîa mathomithanagua nî Anikolai.

Kûguû 2:6

Nwatî ûndû ûrîa mwîkaga mwaro nî atî nîmûmenete ciîko cia Anikolai, wata ûrîa wana nie nîimenete.