Ciîko 6:14 - ÎVUKU RÎA ÛVORO MWARO

¹⁴ Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”

Ciîko 6:14 ပူးပေါင်းရင်းမြစ်များ

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Jeremia 26:12

Jeremia nîwacokire akîarîria anene na andû onthe akîmeera atîrî, “Ngai-Mûnene nîwandûmire ndathîre hekarû îno na îtûûra rîîrî maûndû mau monthe mwegua.

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Zakaria 11:1

We Lebanoni, vingûra mîrango yaku, nîguo mwaki ûvîvie mîtarakwe yaku.

Zakaria 14:2

Ngai-Mûnene nîagaacokanîrîria ndûrîrî vamwe itharîkîre Jerusalemu. Îtûûra rîa Jerusalemu nîrîgaatavwa, na indo itavwe. Aka manyitwe mamenyanwe nao kîîmwîrî na vinya. Nuthu ya andû a Jerusalemu mavirwe îthamîriorî, nwatî nuthu îo îngî ndîkaauma îtûûrarî rîa Jerusalemu.

Mathaayo 26:61

na makiuga atîrî, “Mûndû ûyû aaugire atî nwa avote kwomomora hekarû ya Ngai na amîtume rîngî na mîthenya îthatû.”

Maariko 14:58

“Nîtwamwîguire akiuga atîrî, ‘Nie nîngwomomora hekarû îno îthondeketwe nî andû, na vuva wa mîthenya îthatû njoke ndume îngî, îrîa îtathondeketwe nî andû.’ ”

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Luka 21:6

“Maûndû mama monthe mûrona vîndî nîgakinya îrîa ava vakethîrwa vatarî wana îthiga rîmwe rîrî îgûrû rîa rîrîa rîngî; mathiga monthe nîmakoomomorwa.”

Johana 2:19

Nake Jesû nîwamacokerie atîrî, “Thariani hekarû îno na nîngûcoka nîmîtume na mîthenya îthatû.”

Johana 4:21

Jesû nîwerire mûndûmûka ûcio atîrî, “Mûndûmûka ûyû mbîtîkia nîûndû kavinda nîgagûkinya karîa andû matagacoka kûgoocera Vava kîrîmarî gîkî wana kana îtûûrarî rîa Jerusalemu.

Ciîko 15:1

Nao andû amwe nîmaanyûrûrûkire Antiokia maumîte Judea na makîambîrîria kûthomithia etîkia makîmeeraga atîrî, “Mue mûtingîvonoka ethîrwa tî mûrua wata ûrîa Watho wa Musa ugîte.”

Ciîko 21:21

O nîmerîtwe atî we nîûrathomithia Ayahudi arîa matûûraga mavûrûrirî ma andû a ndûrîrî matiganîrie Watho wa Musa. Na nîmeguîte atî nîûrera Ayahudi acio matikaruithie ciana ciao na matikathîkîre mîtugo ya Kîyahudi.

Ciîko 25:8

Nwatî Paûlo ke mwene nîwetetere akiuga atîrî: “Gûtirî ûndû nie mbîkîte ûreganîte na watho wa Ayahudi, kana ûreganîte na hekarû wana kana ûreganîte na mûthamaki wa Roma.”

Ciîko 26:3

We nîwîcî waro ûvoro wîgiî mîtugo yonthe ya Ayahudi na maûndû marîa o makararagia. Kwoguo nîrakûthaitha ûnthikîrîrie ûrî na ûkirîrîria.

Ciîko 28:17

Vuva wa mîthenya îthatû Paûlo nîwetire atongoria a Ayahudi vamwe. Na rîrîa maacemanirie nîwamerire atîrî, “Ariû na aarî a îthe wetû, ndianeka ûndû wana ûmwe ûreganîte na andû etû wana kana mîtugo îrîa twakinyîrue nî methe metû ma tene. Nwatî nînaanyitirwe na ngîvingîrwa njeera nîrî Jerusalemu na ngînenganîrwa kûrî Aaroma.

Agal 3:19

Watho warî wakî? Watho wongerererwe kûrî kîrîkanîro nîguo wonanie maûndû marîa macûku nginya rîrîa rûciaro rwa Iburahimu rûgaûka, rûrîa rwerîrîtwe kîîranîro kîu. Watho wanenganîrwe kûvîtûkîrîra kûrî Araika na kûrî mûndû ûrîa wegwithanagia andû na Ngai.

Agal 3:23

Nwatî mbere ya wîtîkio ûke, twatwîre tûrî ove nî watho. Tûtiarî na wîathi nginya rîrîa Ngai aatwonirie njîra ya wîtîkio ûrîa ûkaaguûranîrua.