Ciîko 6:13 - ÎVUKU RÎA ÛVORO MWARO

¹³ Nîmaacokire makîrete aira a maveeni arîa maaugire atîrî, “Mûndû ûyû ndatigaga kwaria ciugo cia kûmenereria hekarû yetû ntheru wana Watho wa Musa.

Ciîko 6:13 ပူးပေါင်းရင်းမြစ်များ

Thaburi 27:12

Ndûkandiganîrie kûrî nthû ciakwa mambîke wa ûrîa makwenda, mambigagîrîra maûndû ma maveeni na makauga ûrîa makûmbîka maûndû macûku.

Thaburi 35:11

Andû arîa acûku nîmarutaga ûira wa maveeni, mambûragia maûndû marîa nie ndaicî.

Thaburi 56:5

Nthû ciakwa indetagîre thîna vîndî cionthe; vîndî cionthe mavangaga ûrîa mangîmbîka naaî!

Hosea 7:4

Andû onthe nî itharia na nî aremi; mekariî ta karaî karî rikorî, rîrîa mûrugi atigire kûrûthîra mwaki, nginya arîkie gûkanda mûtu ma mûgate wimbe.

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Mathaayo 26:59

Nao anene a athînjîri-Ngai, na Kîamma kîonthe nîmaacaragia ûira wa maveeni ûrîa mangîruta nîguo maûragithie Jesû,

Ciîko 21:28

Nao nîmaaugîrîrie atîrî, “Andû a Isiraeli! Tûtethererieni! Mûndû ûyû nîke ûthiîcaga kûndû kuonthe akîthomithagia andû onthe maregane na andû a Isiraeli, Watho wa Musa na hekarû îno. Na rîu ke wana nîwarete amwe a andû a ndûrîrî gûkû hekarûrî na nîmekîrîte kûndû gûkû kwamûrîrîtwe Ngai mûgiro!”

Ciîko 25:8

Nwatî Paûlo ke mwene nîwetetere akiuga atîrî: “Gûtirî ûndû nie mbîkîte ûreganîte na watho wa Ayahudi, kana ûreganîte na hekarû wana kana ûreganîte na mûthamaki wa Roma.”

Ciîko 6:11

Kwoguo nîmaavakire andû na nthitho nîguo mauge atîrî, “Tue nîtwîguîte Stefano akîmenereria Musa na akîmenereria Ngai!”

Ciîko 7:58

Nao nîmaamûrutûrûrire kûu îtûûrarî rîu înene na makîmûriva na mathiga. Nao aira nîmaatigire kanjû ciao imenyereretwe nî mwanake wetagwa Saûlo.

Ahib 7:12

Kwoguo ûthînjîri-Ngai ûngîcenjua nwanginya watho wa naguo ûcenjie.