Ciîko 5:40 - ÎVUKU RÎA ÛVORO MWARO

⁴⁰ Nîmeerire atûmwa matonye, makîmarivithia, makîmakaania matigaacoke kwaria na rîîtwa rîa Jesû, na makîmarekereria.

Ciîko 5:40 ပူးပေါင်းရင်းမြစ်များ

Nthi 12:10

Andû arîa athingu marî ntha na nyamû ciao irîa marîthagia, nwatî andû arîa aganu matirî ntha na nyamû ciao.

Isaia 30:10

Meraga oni maûndû atîrî, ‘Tigani kwona maûndû.’ Na makeera arathi atîrî, ‘Mûtigatûrathîre maûndû marîa magîrîru, twaragîrieni maûndû marîa maro, na mûrathage maûndû ma maveeni.

Amosi 2:12

Nwatî nîmwatûmire Anazari manyue ndivei, na makîatha arathi matikarathe.

Mika 2:6

Maugaga atîrî, “Ndûgatûvunjîrie, ndwagîrîrwe nî gûtûvunjîria maûndû mama; nîûndû Ngai ndangîtûconorithia.

Mathaayo 10:17

Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Maariko 13:9

“Îîmenyagîrîreni nîûndû nîmûkaanyitwa na mûcirithîrue ciamarî cia athuuri. Wana nîmûkaarivîrwa mavoerorî, na mûrûngamue mbere ya anene na athamaki nîûndû wakwa ûrî ta ûira kûrî o.

Luka 20:10

Rîrîa îvinda rîa gûketha thavibu rîakinyire, mûndû ûcio nîwatûmire ndungata yake îthiî kûrî arîmi acio îkamûgîrîre maketha mamwe make. Nwatî arîmi acio nîmaarivire ndungata îo na makîmîcokithia njara ntheri.

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

2Akor 11:24

Nie nînaverithirue maita matano, na wa îverithua naarivagwa ivoko mîrongo îthatû na kenda nî Ayahudi.