Ciîko 5:39 - ÎVUKU RÎA ÛVORO MWARO

³⁹ Nwatî ethîrwa umanîte na Ngai, mue tîmûmûvoota. Mwavota kwîthîrwa mûrarûa na Ngai ke mwene!” Nao aakîama acio nîmaarûmîrîre ûtaari wa Gamalieli.

Ciîko 5:39 ပူးပေါင်းရင်းမြစ်များ

Kîam 24:50

Labani na Bethueli nîmaamûcokerie atîrî, “Ûvoro ûcio umîte kûrî Ngai-Mûnene, tue gûtirî ûndû tûngîtua.

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

1Atha 12:24

“Mûtikathiî kûtharîkîra aa mûrwanyûkwe, andû a Isiraeli. Cokani muonthe wa mûndû gwake mûciî, nîûndû ûndû ûyû wîkîkîte na wendi wakwa.” Kwoguo nîmaathîkîre Ngai-Mûnene na magîcoka kwao mîciî wata ûrîa Ngai-Mûnene amaathîte.

2Atha 19:22

Nî ûrîkû ûraruma na ûkathekerera? Nîûrîkû ûraugîrîria, ûkarega kûva gîtîîo Ûrîa Mûtheru wa Isiraeli.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 43:13

Nie nînie Ngai na nîndûûra nîrî Ngai. Gûtirî mûndû wanarî ûmwe ûngîîvonokia kuuma njararî ciakwa; gûtirî mûndû ûngîndigîrîria ngîruta wîra wakwa.”

Isaia 45:9

Kaî mûndû ûrîa ûgianaga na mûmûmbi nî mûrume-î, ta nyûngû ya yûmba îkîgiana na mûmîûmbi! Yûmba nîrîûragia ûrîa ûmbaga indo narîo kîrîa araûmba? Wana kana rîmwîra atîrî, “Wîra waku tî mwaro!”

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Ciîko 11:17

Ngai nîwavere andû a ndûrîrî kîveo wata kîrîa aatûvere vîndî îrîa twetîkirie Mwathani Jesû Kristû. Nie naarî û vi wa kûgiria Ngai eke ûrîa eendaga gwîka!”

Ciîko 23:9

Kwoguo nîkwagîre na înegene rînene. Nao arimû amwe a watho arîa maarî a gîkundi Kîam Afarisai nîmaarûngamire na makiuga meyûmîrîrîtie atîrî: “Tue tûtirona ûndû mûcûku wîkîtwe nî mûndû ûyû! Nwa kwîthîrwe roho kana mûraika nîke ûramwarîrie!”

Ciîko 6:10

Nwatî Roho nîwavere Stefano ûûgî mwîngî wa kwaria ûndû matangîavotire kûmûkararia.

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Ciîko 9:5

Nake nîwaûririe atîrî, “We wî û Mwathani?” Nake nîweguire mûgambo ûcio ûgîcokia atîrî, “Nie nînie Jesû ûrîa ûranyarira.”

1Akor 1:25

Nîûndû ûndû ûrîa wonekaga takwa ûrî ûrimû wa Ngai, wîthagîrwa ûrî na ûûgî mwîngî gûkîra ûûgî wa mûndû. Naguo ûndû ûrîa ûtûmaga Ngai onekane takwa atarî na vinya, ûndû ûcio wîthagîrwa ûrî na vinya îkîrîte vinya ya mûndû.

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?