Ciîko 5:32 - ÎVUKU RÎA ÛVORO MWARO

³² Tue tûrî aira a maûndû mama. Wana nginya Roho Mûtheru ûrîa Ngai avecanîte kûrî arîa mamwathîkagîra nî mûira.”

Ciîko 5:32 ပူးပေါင်းရင်းမြစ်များ

Johana 7:39

Nake Jesû akiuga ûguo aaragia ûvoro wîgiî Roho Mûtheru, ûrîa warî avewe arîa maamwîtîkirie. Vîndî îo Roho ndaarî mûvecane nîûndû Jesû ndaarî mûve riiri wake.

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 10:44

Rîrîa Petero aathiîcaga na mbere kwaria, Roho Mûtheru nîwanyûrûrûkîre arîa onthe maathikîrîrîtie ndûmîrîri îo.

Ciîko 13:31

Na kwa îvinda rîa mîthenya mîîngî Jesû nîwaumîrîre arîa maambatanîtie nake kuuma Galili kûthiî Jerusalemu. O rîu nî aira ake kûrî andû a Isiraeli.

Ciîko 15:28

Tue vamwe na Roho Mûtheru nîtwonete atî tî waro tûmwigîrîre mîrigo îngî îkîrîte maûndû marîa marî na vata.

Ciîko 2:32

Ngai nîwariûkirie Jesû ûyû na tue tuonthe tûrî aira a ûma ûyû.

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Ciîko 5:29

Nwatî Petero na atûmwa acio engî nîmaamacokerie atîrî, “Tue nwa nginya twathîkîre Ngai vandû va kwathîkîra andû.

Aroma 8:16

Roho ûcio nî mûira vamwe na maroho metû atî tûrî ciana cia Ngai.

2Akor 13:1

Rîrî nîrîo rita rîakwa rîa kathatû gûka gûcera kwenyu. “Ûndû wa wonthe ûkûthitangwa nwanginya wonanue nî ûira wa andû aîrî kana makîria,” ta ûrîa mandîko matheru maugîte.

1Pet 1:12

Ngai nîwaguûrîrie arathi aya atî maûndû marîa maarathaga matiarî ma kûmaguna o ene, nwatî maarî ma kûmûguna mue. Maatuirwe ndungata cia kwanîrîra maûndû marîa rîu mûrîkîtie kwîgua kûvîtûkîra kûrî anjaama arîa maamûvunjîrie Ûvoro Mwaro. Meekire ûguo matethereretue nî Roho Mûtheru ûrîa watûmîtwe kuuma îgûrû. Maûndû mama nîmo nginya araika mendaga kûmenya.