Ciîko 5:3 - ÎVUKU RÎA ÛVORO MWARO

³ Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Ciîko 5:3 ပူးပေါင်းရင်းမြစ်များ

Ayubu 22:13

Nwatî we ûûragia atîrî, “Nîndûî Ngai aicî? Ke nîmûkunîkîre nî matuangîtûtuîra atîa?”

Nthi 20:25

Mbere ya kwîranîra kîrîa ûkûrutîra Ngai-Mûnene ambaga gwîciiria waro, nîguo vuvarî ndûgacoke kwîricûkwa.

Mûvunjia 5:4

Rîrîa werîra Ngai ûndû na mwîvîtwa vingagia ûndû ûcio narua, nîûndû Ngai ndakenagua nî irimû. Vingagia ûrîa wîranîrîte.

Isaia 29:15

Andû arîa mathithaga Ngai-Mûnene mîvango yao kaî marî na thîna-î! Marûthagîra mîvango yao ndumarî makiugaga atîrî, “Gûtirî mûndû ûratwona, na gûtirî mûndû ûtwicî.”

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Hosea 11:12

Ngai-Mûnene arauga atîrî, “Andû a Efiraumu nîmanthiûrûrûkîrîtie na maveeni, na andû a Isiraeli nîmamveenagia. Andû a Juda nîmareganîte na Ngai mûnene, wana nîmareganîte na ûrîa mûtheru mûno.”

Ndari 30:2

“Rîrîa mûndû evîta mbere ya Ngai-Mûnene, kana eranîra na mwîvîtwa atî nîakûvingia ûndû, nwanginya avingie ûrîa eranîrîte atî nîageka.

Mathaayo 13:19

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Luka 22:3

Caitani nîwatonyire Judasi ûrîa wetagwa Mûsikariota na ûrîa warî ûmwe wa arutwa arîa îkûmi na aîrî a Jesû.

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Johana 13:27

Na vîndî wa îo Judasi aarîkia gwîcukia kînuku Kîam mûgate, nîwatonyirwe nî Caitani. Nake Jesû nîwerire Judasi atîrî, “Îka narua ûrîa ûrenda gwîka!”

Ciîko 5:2

Vuva wa kûrîkanîra na mûka, Anania nîwetigarîrie mbeca imwe nacio icio ciîngî akîinenganîra kûrî atûmwa.

Ciîko 5:4

Mbere ya kwendia mûgûnda, ûrarî wa waku. Na wana warîkia kûwendia, nîûngîravûthîre mbeca icio na njîra wa yonthe îrîa ûngîrendire. Ûravangire gwîka ûndû ta ûcio nîkî? Tî andû ûraveenirie, we ûraveenirie Ngai!”

Ciîko 5:9

Kwoguo Petero nîwamwîrire atîrî, “We na mûthuuri waku mûrarîkanîre mûgerie Roho wa Mwathani nîkî? Tathikîrîria! Arîa marathiîte kûthika mûthuuriguo rîu marî ava mûrangorî maûkîte na wa nawe nîmagûkûruta nja magûkuuîte.”

Gûco 23:21

“Rîrîa werîra Ngai-Mûnene, Ngai waku ûndû na mwîvîtwa, ndûkarege kûûvingia; nîûndû Ngai-Mûnene, Ngai waku nîakenda ûvingie ûndû ûcio, na nî wîvia kûrega kûûvingia.

Jakuvu 4:7

Kwoguo athîkîrani Ngai. Reganani na Ngoma nake nîakûûra aume kûrî mue.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.