Ciîko 5:26 - ÎVUKU RÎA ÛVORO MWARO

²⁶ Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.

Ciîko 5:26 ပူးပေါင်းရင်းမြစ်များ

Mathaayo 14:5

Herode nîwendaga kûûragithia Johana, nwatî nîwetigagîra Ayahudi nîûndû o meetîkîtie atî Johana aarî mûrathi.

Mathaayo 21:26

Nwatî wona twauga, ‘Waumîte kûrî andû,’ nîtûretigîra ûrîa andû mangîka nîûndû andû onthe metîkîtie atî Johana aarî Mûrathi.”

Mathaayo 26:5

Nwatî nîmeeranire atîrî, “Tûtingîmûnyita vîndî îno ya kîrugo, nîûndû andû mavota kûgoma.”

Mathaayo 26:58

Nake Petero nîwaumire Jesû vuva arî varaca, nginya magîkinya nja ya mûciî wa Mûthînjîri-Ngai mûnene. Nîwekarire vau nja marî na arangîri nîguo one ûrîa gûgwîkara.

Luka 20:19

Vîndî wa îo, arimû a Watho na anene a athînjîri-Ngai nîmaageririe kûnyita Jesû nîûndû nîmaaicî atî aavecanire ngerekano îo nîûndû wao. Nwatî nao nîmeetigîre andû.

Luka 20:6

Nwatî wona twauga, ‘Johana aatûmirwe nî andû,’ andû aya onthe nîmagûtûriva na mathiga nîûndû nîmetîkîtie atî Johana aarî mûrathi.”

Luka 22:2

Nao anene a athînjîri-Ngai, arimû a Watho, nîmaatuîragia ûrîa mangîûragithia Jesû na nthitho, nîûndû nîmeetigagîra andû.

Luka 22:4

Kwoguo Judasi nîwathiîre kûrî anene a athînjîri-Ngai, wa vamwe na anene a athigari arîa marangagîra hekarû nîguo marîkanîre ûrîa agûcukanîrîra Jesû kûrî o.

Ciîko 4:21

Kwoguo athuuri a Kîama nîmaamakaanirie na vinya na makîmarekereria makîthiî. Athuuri acio nîmaaturire njîra ya kûmaverithia nîûndû andû onthe nîmaakumagia Ngai nîûndû wa ûndû ûcio wekîkîte.

Ciîko 5:13

Gûtirî mûndû wana ûmwe warî nja ya gîkundi Kîam etîkia wetîkagîra kûgwatanîra nao, wana ethîrwa andû nîmaamakumagia mûno.

Ciîko 5:22

Nwatî vîndî îrîa athigari maakinyire njeera, matiethîra atûmwa kuo. Kwoguo nîmaacokire makîmenyithia Kîama magîkîîra atîrî,

Ciîko 5:24

Na rîrîa anene a athînjîri-Ngai na mûnene wa arangîri a hekarû meegwire ûvoro ûcio, nîmaamakire na makîrigwa nî ûrîa gwekîkîte kûrî atûmwa.

Ciîko 5:25

Nake mûndû ûmwe nîwatonyire Kîammarî na akîmeera atîrî, “Tathikîrîriani! Andû arîa mûraikirie njeera marûngamîte hekarûrî ndaarî makîthomithia andû!”