Ciîko 5:24 - ÎVUKU RÎA ÛVORO MWARO

²⁴ Na rîrîa anene a athînjîri-Ngai na mûnene wa arangîri a hekarû meegwire ûvoro ûcio, nîmaamakire na makîrigwa nî ûrîa gwekîkîte kûrî atûmwa.

Ciîko 5:24 ပူးပေါင်းရင်းမြစ်များ

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Luka 22:4

Kwoguo Judasi nîwathiîre kûrî anene a athînjîri-Ngai, wa vamwe na anene a athigari arîa marangagîra hekarû nîguo marîkanîre ûrîa agûcukanîrîra Jesû kûrî o.

Luka 22:52

Jesû nîwacokire akîîra anene a athînjîri-Ngai, arangîri a hekarû na atongoria a mavoero arîa maathiîte kûmûnyita atîrî, “Nîkwa nîrî mûtoi nîguo mûke kûnyita mûkuuîte mviû na njokoma?

Johana 12:19

Nao Afarisai nîmaacokire makîrana atîrî, “Nîmûrona tûtiravota gwîka wanarî atîa! Taroriani! Andû onthe nîmaramûrûmîrîra!”

Ciîko 2:12

Nîûndû wa ûrîa maamakîte na magatanganîrua nîmekarire makîûranagia atîrî, “Ûndû ûyû nî atîa?”

Ciîko 4:1

Rîrîa Petero na Johana maaragîria andû acio, athînjîri-Ngai, mûnene wa arangîri a hekarû, na Asadukai nîmaakinyire.

Ciîko 4:21

Kwoguo athuuri a Kîama nîmaamakaanirie na vinya na makîmarekereria makîthiî. Athuuri acio nîmaaturire njîra ya kûmaverithia nîûndû andû onthe nîmaakumagia Ngai nîûndû wa ûndû ûcio wekîkîte.

Ciîko 5:23

“Vîndî îrîa tue tûkinyire njeera, twîthîre kûvingîtwe waro na arangîri marûngamîte mîrangorî. Nwatî rîrîa tûvingûrire mîrango, tûtinethîra mûndû wana ûmwe kuo!”

Ciîko 5:25

Nake mûndû ûmwe nîwatonyire Kîammarî na akîmeera atîrî, “Tathikîrîriani! Andû arîa mûraikirie njeera marûngamîte hekarûrî ndaarî makîthomithia andû!”

Ciîko 5:26

Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.