Ciîko 5:20 - ÎVUKU RÎA ÛVORO MWARO

²⁰ “Thiîni mûrûngame hekarûrî na mwîre andû maûndû monthe megiî mûtûûrîre ûyû mûcerû.”

Ciîko 5:20 ပူးပေါင်းရင်းမြစ်များ

Ntha 24:3

Musa nîwacokire akînyûrûrûka na akîthiî akîra andû maûndû monthe marîa Ngai-Mûnene aamwîrire na maathani monthe. Nao andû onthe nîmaacokirie marî vamwe atîrî, “Nîtûgeka ûrîa wonthe Ngai-Mûnene augîte.”

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Jeremia 26:2

“Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Jeremia 36:10

Baruku nîwathomere andû onthe ciugo cia Jeremia irîa ciandîkîtwe îvukuurî rîa gîkûnjo, arî nyombarî ya Ngai-Mûnene kanyombarî ka Gemaria mûvîcî wa Shafani ûrîa warî mwandîki. Kanyomba kau kaarî mwena wa îgûrû vakuvî na mwîrîga mûcerû wa nyomba ya Ngai-Mûnene.

Jeremia 7:2

mûrangorî wa hekarû ya Ngai-Mûnene na anîrîre ndûmîrîri îno auge atîrî, “Thikîrîriani ndûmîrîri ya Ngai-Mûnene mue arîa mûtonyaga gûkû hekarûrî kûgooca Ngai-Mûnene.

Ezek 33:7

“Kwoguo, we mûndû, nîngûthuurîte ûtuîke mûrangîri wa andû a Isiraeli. Vîndî cionthe ûngîkegua kiugo kuuma kanyuarî gakwa, ûgakaania andû a Isiraeli ûrîa ngaakwîra ûmakaanie.

Mathaayo 10:27

Ûndû ûrîa nîramwîrîra ndumarî nwa nginya mûkawaria ûtherirî; na maûndû marîa mwîragwa na kîvwe, nwa nginya mûkaamanîrîra mûrî nyombarî îgûrû.

Mathaayo 21:23

Jesû nîwacokire hekarûrî. Na vîndî îrîa aathomithagia, anene a athînjîri-Ngai na athuuri nîmaathiîre kûrî ke na makîmûûria atîrî, “Ûreka maûndû mama na wathani ûrîkû na nû ûkûvete wathani ûcio?”

Johana 12:50

Na nîmbîcî atî maathani make nîmatûmaga andû magîe na mwoyo wa tene na tene. Kwoguo ûndû wa wonthe mbugaga nî ûrîa Vava ethagîrwa ambîrîte mbuge.”

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 17:8

Nie nînaamakinyîrie ndûmîrîri îrîa wamvere, nao makîmîamûkîra. Nîmaicî na ma atî nie naumire kûrî we, na nîmetîkîtie atî we nîwe wandûmire.

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 6:63

Roho wa Ngai nîke ûvecanaga mwoyo. Mwîrî ndûvecanaga mwoyo. Ciugo icio namwîra nîcio itûmaga mûgîe na Roho wa Ngai ûrîa ûvecanaga mwoyo.

Johana 6:68

Nake Simoni Petero nîwamûcokerie atîrî, “Mwathani tûngîgûtiga tûkathiî kûrî û? We ûrî na ciugo cia mwoyo wa tene na tene.

Ciîko 11:14

Ke nîagûkûva ndûmîrîri îrîa îgûtûma we na andû onthe a mûciî waku mûvonoke.’

Ciîko 13:26

“Ariû na aarî a îthe wetû, mue a mbarî ya Iburahimu, wa namue muonthe andû a ndûrîrî arîa mûgoocaga Ngai na mûrî ava: tue tuonthe nîtue tûtûmîrîtwe ndûmîrîri îno ya ûvonokio!