Ciîko 5:2 - ÎVUKU RÎA ÛVORO MWARO

² Vuva wa kûrîkanîra na mûka, Anania nîwetigarîrie mbeca imwe nacio icio ciîngî akîinenganîra kûrî atûmwa.

Ciîko 5:2 ပူးပေါင်းရင်းမြစ်များ

Malaki 1:14

Kûgwatwa nî kîrumi nî mûndû ûrîa wîranagîra na njîra ya mwîvîtwa atî nîakûndutîra îgongoona rîa nyamû ntheru kuuma ndîthiarî yake, nwatî agacoka akandutîra nyamû îrî na wonje. Taroria, nie nî mûthamaki mûnene, Ngai-Mûnene mwene vinya wonthe na andû a mavûrûri monthe nîmagoocaga rîîtwa rîakwa.”

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Johana 12:6

Nwatî Judasi ndaauga ûguo nîûndû atî wa kûrîrîra athîni, nwatî aaugire ûguo nîûndû aarî mwîi. Ke nîke wakuuaga kathandûkû ka mbeca na nîwaîaga mbeca kuuma kathandûkûrî kau.

Ciîko 2:44

Nao etîkia onthe nîmaathiîre na mbere kûgwatanîra makîgaanaga indo ciao marî vamwe.

Ciîko 4:37

Josefu nîwendirie mûgûnda wake na mbeca irîa oonire akîivira na akîinenganîra kûrî atûmwa.

Ciîko 5:1

Kwarî na mûndû ûmwe wetagwa Anania. Anania aarî na mûka wetagwa Safira. Nao nîmeendirie mûgûnda wao.

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Ciîko 5:8

Nake Petero nîwamûûririe atîrî, “Ta mbîra atîrî, mbeca ino nîcio we na mûthuuri waku mûronire mwendia mûgûnda?” Nake nîwamûcokerie atîrî, “Ii, icio nwacio tûronire.”

Afil 2:3

Îkagani maûndû mûtakwîyenda na mûtagwîtîîa. Nwatî na njîra ya wînyivia, vingo cionthe wa mûndû nîatucage ûrîa wîngî mwaro kûmûkîra.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.