Ciîko 5:12 - ÎVUKU RÎA ÛVORO MWARO

¹² Atûmwa nîmaaringire ciama nyîngî na morirû gatagatîrî ka andû. Nao etîkia nîmaacemanagia kîthakurî gîa Solomoni.

Ciîko 5:12 ပူးပေါင်းရင်းမြစ်များ

Jeremia 26:9

Nîndûî gîatûma ûrathe ûkîgwetaga rîîtwa rîa Ngai-Mûnene ûkiugaga ‘hekarû îno îgekara ta Shilo, na îtûûra rîîrî nîrîgûcûkangua rîtuîke îganjo na rîtigwe gûtarî mûndû wa gûtûûra kuo.’ ” Nao andû onthe nîmaagomanire marigicîrîtie Jeremia kûu hekarûrî.

Maariko 16:20

Nao arutwa nîmaathiîre na makîvunjia ûvoro mwaro kûndû kuonthe. Nake Mwathani nîwethagîrwa arî vamwe nao na agekagîra ndûmîrîri yao vinya na njîra ya ciama irîa ciaringagwa.] [

Johana 10:23

Rîrîa Jesû aaceraga Kîthakurî gîa Solomoni kûu hekarûrî,

Johana 4:48

Jesû nîwerire karani ûcio atîrî, “Gûtirî mûndû wana ûmwe gatagatîrî kenyu ûgeetîkia atonete ciama na morirû.”

Ciîko 1:14

Nao nîmaatûnganaga mavinda meengî kûvoya Ngai marî vamwe, na marî na aka wana Mariamu ûrîa ng'ina wa Jesû na aa mûrwang'ina na Jesû.

Ciîko 14:3

Nao Paûlo na Baranaba nîmeekarire kûu Ikonia îvinda îraca na makîvecana ûira wa Mwathani maûmîrîrîtie. Nake Mwathani nîwonanirie atî ndûmîrîri yao îgiî wega wake yarî ya ma. Ke eekire ûguo na njîra ya kûmava ûvoti wa kûringa ciama na kwonania morirû.

Ciîko 16:18

Mwîrîtu ûcio nîwekire ûguo kwa îvinda rîa mîthenya mîîngî. Ûndû ûcio nîwatûmire Paûlo arakare mûno, nginya akîvûgûka na akîîra ngoma îo atîrî, “Nie nîrakwatha na rîîtwa rîa Jesû Kristû ume ndaarî yake!” Na kavinda wa kau ngoma îo nîyaumire ndaarî yake.

Ciîko 19:11

Ngai nîwaringire ciama cia mwanya mûno na njîra ya Paûlo.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Ciîko 28:9

Rîrîa ûndû ûcio wekîkire, andû arîa engî onthe maarî arwaru kûu gîcîgîrîrarî kîu nîmaathiîre na makîvonua.

Ciîko 3:11

Rîrîa mûndû ûcio enyitîrîrîte varî Petero na Johana vau kîthakurî kîrîa gîetagwa Kîam Solomoni, andû nîmaamakire mûno na makîvinyûra varî o.

Ciîko 4:30

Kûnjûra njara yaku nîguo ûvonanie. Onania magegania na ûringe ciama na njîra ya rîîtwa rîa Jesû ndungata yaku ntheru.”

Ciîko 9:33

Akinya kuo nîwethîrîrie mûndû wetagwa Aenea. Aenea nîwarwarîte mûrimû wa gûkua ciîga cia mwîrî na nîwekarîte mîaka înana atakûvota kuuma ûrîrî.

Ciîko 9:40

Nwatî Petero nîwerire andû onthe arîa maarî kuo maume nja. Nake nîwaturirie maru na akîvoya. Nîwacokire akîvûgûka na kûrîa mwîrî ûcio warî na akiuga atîrî, “Tabitha, ûkîra!” Nake nîwavingûrire metho, na vîndî îrîa oonire Petero, nîwekarire nthî.

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

2Akor 12:12

Ciama nyîngî na morirû irîa cionanagia atî nîrî mûtûmwa wa ma nîciaringirwe gatagatîrî kenyu na ûkirîrîria mwîngî.

Ahib 2:4

Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.