Ciîko 4:4 - ÎVUKU RÎA ÛVORO MWARO

⁴ Nwatî andû eengî gatagatîrî ka arîa meegwire ndûmîrîri îo yavunjagua nî Petero na Johana nîmeetîkirie. Nao arûme arîa meetîkirie nîmongererekire magîkinya kîndû ta ngiri ithano.

Ciîko 4:4 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Isaia 45:24

“Vîndî îo nîgûkeerwa îgûrû rîakwa atî: Ûthingu na vinya cionekaga kûrî Ngai-Mûnene; andû arîa onthe maamûrakarîrîte, nîmagaaûka kûrî ke na maconoke.”

Isaia 53:12

Kwoguo nîngaava ndungata yakwa gîtîîo ta Kîam anene, na magaane indo irîa itavîtwe na arîa marî vinya, nîûndû nîyevecanire îkue, na îgîtaranîrua na imaramari. Kûnarî ûguo, nîwakuuire mevia ma andû eengî, na akîvoera imaramari cioverwe. Nîwavoire nîguo moverwe; kana nîwathînîkire ûrîa maagîrîrîte kûthînîka.

Johana 12:24

Nie nîramwîra na ma atî, mvîndî ya ngano îkaraga îrî wa yonga îngîrega kûvandwa mûtheturî na îkue. Nwatî îngîkua, nîîciaraga maciaro meengî.

Ciîko 2:41

Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 2:47

Nîmaakumagia Ngai na nîmeendetwe nî andû onthe. Na wa mûthenya wa mûthenya Mwathani nîwongagîrîra gîkundirî Kîam etîkia andû arîa ke aavonokagia.

Ciîko 28:24

Nao andû amwe gatagatîrî kao nîmeetîkirie ûvoro ûcio Paûlo aameerire, nwatî amwe matietîkia.