Ciîko 4:34 - ÎVUKU RÎA ÛVORO MWARO

³⁴ Gûtirî mûndû wana ûmwe gatagatîrî kao waturaga kîndû wana kîrîkû. Arîa maarî na mîgûnda yao kana nyomba nîmaaciendagia, na mbeca irîa moona,

Ciîko 4:34 ပူးပေါင်းရင်းမြစ်များ

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Maariko 10:21

Nake Jesû aroria mûndû ûcio nîwegwire amwenda na akîmwîra atîrî, “Kûrî na ûndû ûmwe ûtigarîtie gwîka. Thiî wendie indo ciaku cionthe, ûve athîni mbeca icio na ûcoke ûnûmîrîre, nawe nî ûkwîigîra ûtonga mwîngî îgûrû.”

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Luka 22:35

Jesû nîwacokire akîûria arutwa ake atîrî, “Vîndî îrîa namûtûmîte mûtarî na kîveeti, mbooro wana kana iratû, kûrî kîndû wana kîmwe mwaturire?” Nao nîmaamûcokerie atîrî, “Gûtirî kîndû twaturire.”

Ciîko 2:45

Mavinda na mavinda etîkia nîmeendagia ithaka wana indo ciao na makagaania mbeca icio kûringana na ûrîa wa mûndû aavataraga.

Ciîko 4:37

Josefu nîwendirie mûgûnda wake na mbeca irîa oonire akîivira na akîinenganîra kûrî atûmwa.

2Akor 8:14

Nwatî kavindarî gaka mûrî na indo nyîngî, nîkwagîrîrîte mûtethie arîa marî na maavata. Nayo vîndî îrîa mue mûkaavatara nao marî nacio, nîmakaamûtethia, nîguo mwîthagîrwe mwîgananîte.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

1Ath 4:12

Mweka ûguo, mûkaavecagwa gîtîîo nî andû arîa matetîkîtie na mûtikeevokaga mûndû wana ûrîkû amûve kîrîa mûvatarîte.

1Tim 6:19

Na njîra ta îno nîmakwîthîrwa meigîrîte mûthithû wao wî ta mûcingi wî na vinya wa vîndî îrîa îgaûka. Nao nîmagaacoka magîe na mûtûûrîre ûrîa wa ma.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.