Ciîko 4:27 - ÎVUKU RÎA ÛVORO MWARO

²⁷ Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.

Ciîko 4:27 ပူးပေါင်းရင်းမြစ်များ

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 15:14

Mûndû nîndûî atî nîguo ethîrwe arî mûtheru? Kûrî mûndû ûciarîtwe nî mûndûmûka ûngîtuîka mûthingu?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Thaburi 2:2

Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 45:7

nîwendete ûthingu na ûkamena waganu. Kwoguo Ngai, Ngai waku nîakûthuurîte, na nîakûvete gîkeno gûkîra athamaki arîa engî onthe.

Isaia 37:26

“Senakeribu nîkwa ûteguîte atî naavangire ûndû ûyû kuuma tene? Ûrîa nîreka rîu naaûvangire kuuma tene. Nakûveere vinya wa kwomomora matûûra marîa mairigîre matuîke maganjo.

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Mathaayo 14:1

Kavinda wa kau, Herode ûrîa wathanaga Galili nîwegwire ngumo ya Jesû,

Mathaayo 14:3

Mbere ya ûguo Herode nîwathanîte Johana anyitwe, ovwe na mvîngû na acoke aikue njeera. Herode eekire ûguo nîûndû wa Herodia ûrîa warî mûka wa mûrwang'ina Filipu.

Mathaayo 14:6

Rîrîa mûthenya wa gûkûngûîra gûciarwa kwa Herode wakinyire, mwarî wa Herodia nîweinirie arî mbere ya ageni onthe. Herode nîwakenirue mûno nî mwîrîtu ûcio,

Mathaayo 21:28

“Rîu nî muga atîa ûndûrî ûyû? Vîndî îmwe kwarî na mûndû warî na avîcî ake aîrî. Nake nîwathiîre kûrî ûrîa wa mbere na akîmwîra atîrî, ‘Mûvîcîwa, thiî ûkarute wîra mûgûndarî wa mîthavibu ûmûnthî.’

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Mathaayo 27:2

Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.

Maariko 10:33

Jesû nîwameerire atîrî, “Tathikîrîriani! Twambatîte tûthiîte Jerusalemu kûrîa Mûrû wa Mûndû akûnenganîrwa kûrî athînjîri-Ngai arîa anene na arimû a watho. Nao nîmakaamûtuîra aûragwe na mamûnenganîre kûrî andû a ndûrîrî,

Maariko 15:31

Wana nginya anene a athînjîri-Ngai na arimû a Watho nîmaamûnyûrûririe makîranaga atîrî, “Nîaratethûraga arîa engî, nwatî ndangîîtethûra!

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 22:63

Andû arîa maarangîrîte Jesû nîmaamûnyûrûririe na makîmûriva.

Luka 23:1

Athuuri onthe a Kîamma nîmaaûkîrire na makîvira Jesû agacirithue nî Pilato.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Luka 9:22

na akîmeera atîrî, “Nwa nginya Mûrû wa Mûndû athînue mûno na aregwe nî athuuri, anene a athînjîri-Ngai, na arimû a Watho. Nake nîakaaûragwa na mûthenya wa kathatû acoke ariûke.”

Johana 1:11

Kiugo aathiîre vûrûrirî wake mwene na andû ake mwene matiamûnyita ûgeni.

Johana 10:36

Vava nîwanyamûrire na akîndûma gûkû nthî. Kwoguo nîndûî kîratûma muge nînaruma Ngai namwîra, ‘Nie nîrî Mûriû wa Ngai?’

Johana 18:28

Kîraûko macangîa arangîri nîmaarutire Jesû mûciî gwa Kaiafa na makîmûvira mûciî mûnene wa Pilato. Nao Ayahudi matietîkîra gûtonya kuo nîûndû matiendaga kûnyitwa nî mûgiro mbere ya kûrîa kîrugo Kîam pasaka.

Johana 18:29

Kwoguo Pilato nîwaumire nja varîa maarî na akîmaûria atîrî, “Mûrathitanga mûndû ûyû na maûndû marîkû?”

Johana 19:34

Nwatî mûthigari ûmwe nîwamundire rûvaru rwa Jesû na îtumû na vakiuma nthakame na manjî.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 2:27

nîûndû we ndûkaandiganîria kwa arîa akuû; we ndûgetîkîra ûrîa waku mwîvokeku oorere mbîrîrarî.

Ciîko 4:30

Kûnjûra njara yaku nîguo ûvonanie. Onania magegania na ûringe ciama na njîra ya rîîtwa rîa Jesû ndungata yaku ntheru.”

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.