Ciîko 4:26 - ÎVUKU RÎA ÛVORO MWARO

²⁶ Athamaki a gûkû nthî nîmeevarîrie, na anene nîmaagomanire vamwe nîguo maregane na Mwathani na Mesaya wake.’

Ciîko 4:26 ပူးပေါင်းရင်းမြစ်များ

Thaburi 2:1

Atongoria a mavûrûri mavangaga kûregana na Ngai nîkî, na makagîa na mîvango ya mana?

Thaburi 2:2

Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Isaia 7:7

Nwatî nie, Mwathani Ngai-Mûnene nîrauga atîrî, “Ûndû ûcio ndûkaavinga.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ahib 1:9

We wendete ûthingu na ûkamena ûndû mûcûku, kwoguo Ngai, na nîke Ngai waku, nîakûthuurîte na agakûva gîtîîo na gîkeno gîkîrîte kîrîa avete arata aku.”

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî

Kûguû 17:17

Ngai nîatûmîte magîe na wendi wa kûvingia mworoto wake marî na ngoro îmwe. Na nîûndû wa ûguo nîmakaanenganîra vinya wao wa kwathana kûrî nyamû nginya rîrîa ciugo cia Ngai ikaavingua.