Ciîko 4:23 - ÎVUKU RÎA ÛVORO MWARO

²³ Nao Petero na Johana marekererua wa rîo nîmaacokire kûrî arata ao na makîmamenyithia maûndû monthe marîa meerîtwe nî anene a athînjîri-Ngai na athuuri.

Ciîko 4:23 ပူးပေါင်းရင်းမြစ်များ

Thaburi 119:63

Nie nîrî mûrata wa andû onthe arîa magwîtigîrîte, mûrata wa arîa mathîkagîra mawatho maku.

Thaburi 16:3

Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

Thaburi 42:4

Ngoro yakwa nîthiragwa nî vinya rîrîa naririkana, ûrîa twathiîcaga na andû eengî, naamatongoragia makathiî gûtonya nyombarî ya Ngai, andû maakenete makinaga nyîmbo cia gûkumia Ngai maugîrîrîtie.

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Malaki 3:16

Nao arîa magocaga Ngai-Mûnene nîmaranîrie o ene, nake Ngai-Mûnene akîgua ûrîa maaragia. Narîo îvuku nîrîaigirwe mbere ya Ngai-Mûnene rîandîkîtwe marîîtwa ma arîa mamûgoocaga na mamwathîkagîra.

Ciîko 16:40

Nao Paûlo na Sailasi nîmaaumire kûu njeera na makîthiî nyomba kwa Lîdia, kûrîa methîîre etîkia na makîmava ciugo cia kûmaûmîrîria. Nao nîmaacokire makîthiî.

Ciîko 4:22

Mûndû ûcio wavonirue na njîra îo ya kûringîrwa Kîamma aarî na ûkûrû wa makîria ya mîaka mîrongo îna.

Ciîko 4:24

Rîrîa etîkia meegwire ûvoro ûcio, nîmaavoire Ngai marî na ngoro îmwe makiugaga atîrî, “Mwathani na Mûmbi wa îgûrû na nthî, îria na indo cionthe irîa irî kuo!