Ciîko 4:20 - ÎVUKU RÎA ÛVORO MWARO

²⁰ Nîûndû tue tûtingîtiga kwaria ûvoro wîgiî maûndû marîa twonete na twîguîte.”

Ciîko 4:20 ပူးပေါင်းရင်းမြစ်များ

2Sam 23:2

Roho wa Ngai-Mûnene nî araria na njîra yakwa; ndûmîrîri yake îrî kanyuarî gakwa.

Jeremia 1:7

Nwatî Ngai-Mûnene nîwambîrire atîrî, “Ndûkauge atî wî mûndû mwîthî; nwanginya ûthiî kûrî andû arîa ngûgûtûma kûrî o, na ûmeere ûrîa wonthe ngûkwatha.

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Jeremia 4:19

Ruuo, ruuo! Nînîraturwa mûno! Ngoro yakwa îratuma na vinya, ndingîvota gûkira; nîûndû mûgambo wa karumbeta, na kîng'ora Kîam mbaara.

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Ezek 3:11

Thiî rîu kûrî andû enyu arîa marî îthamîriorî na ûmere ûrîa nie Ngai-Mûnene mbugîte, wana ethîrwa magakûthikîrîria kana tî makûthikîrîria.”

Amosi 3:8

Rîrîa mûnyambû wararama, nî ûrîkû ûtangîtigîra? Rîrîa Ngai-Mûnene aaria, nû ûngîrega kwanîrîra ndûmîrîri yake?

Mika 3:8

Nwatî nie, Ngai-Mûnene nîamvete vinya, na Roho wake nîamvotithîtie kûmenya ûma, na nîamvete kîvooto na ûvoti wa kwîra andû a Isiraeli na a Juda mevia mao.

Ndari 22:38

Balaamu nîwamûcokerie atîrî, “Taroria nînaûka nîrî ava. Nwatî nîrî na ûvoti wa kwaria wanarî ûndû? Nîmbaria ûrîa tu Ngai akwenda mbarie.”

Ndari 23:20

Ke amveere watho wa kûrathimana, Ngai arathimana ndingîvota kûgarûra kîrathimo kîu.

Luka 1:2

Maandîkire kûringana na ûrîa twîrîtwe ûvoro nî andû arîa moonire maûndû mama kuuma wa Kîammbîrîria na andû arîa maavunjagia ndûmîrîri ya Ngai.

Ciîko 1:22

kuuma vîndî îrîa Johana aavatithanagia nginya rîrîa Mwathani Jesû aavirirwe îgûrû, nwanginya athuurwe atonye gîkundirî gîetû. Mûndû ûcio nwanginya atuîke mûira vamwe natue wa ûvoro wa kûriûka kwa Jesû.”

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 18:5

Na rîrîa Sailasi na Timotheo maakinyire maumîte Makedonia, Paûlo nîwambîrîrie gûtûmîra mavinda monthe make na wîra wa kûvunjia na akarutaga ûira kûrî Ayahudi akiugaga atî Jesû nîke Mesaya.

Ciîko 2:32

Ngai nîwariûkirie Jesû ûyû na tue tuonthe tûrî aira a ûma ûyû.

Ciîko 2:4

Nao onthe nîmecûrirwe nî Roho Mûtheru, na makîambîrîria kwaria na nthiomi ciîngî wata ûrîa Roho ûcio aamavotithirie kwaria.

Ciîko 22:15

We nîûgûtuîka mûira wake kûrî andû onthe. Ûkaameraga ûvoro wîgiî maûndû marîa wonete na wîguîte.

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Ciîko 5:32

Tue tûrî aira a maûndû mama. Wana nginya Roho Mûtheru ûrîa Ngai avecanîte kûrî arîa mamwathîkagîra nî mûira.”