Ciîko 4:12 - ÎVUKU RÎA ÛVORO MWARO

¹² Jesû wenga tu nîke ûvotaga kûvonokia andû na gûkû nthî kuonthe gûtirî mûndû wîngî Ngai anavecana ûngîvota gûtûvonokia.”

Ciîko 4:12 ပူးပေါင်းရင်းမြစ်များ

Kîam 7:19

Namo nîmecûrire nthî nginya magîkunîkîra irîma cionthe irîa ciarî ndaca;

Ayubu 41:11

Nû ûngîtharîkîrwa na acoke avonoke? Gûtirî mûndû nthî yonthe ûngîmîtharîkîra.

Thaburi 45:17

Nîngaatûma ûririkanagwe nî njiarwa cionthe, na ûtûûre ûkumagua nî andû a ndûrîrî cionthe tene na tene.

Mathaayo 1:21

Mariamu nîagaaciara mwana wa kavîcî, nawe nî ûkaamûtuîra rîîtwa ûmwîte Jesû, nîûndû nîakaavonokia andû ake kuuma meviarî mao.”

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 3:36

Mûndû wa wonthe wîtîkîtie Mûriû arî na mwoyo wa tene na tene; na mûndû wa wonthe ûregete kûmwîtîkia ndakaagîa na mwoyo, nwatî agatûûra averithagua nî Ngai.

Ciîko 13:26

“Ariû na aarî a îthe wetû, mue a mbarî ya Iburahimu, wa namue muonthe andû a ndûrîrî arîa mûgoocaga Ngai na mûrî ava: tue tuonthe nîtue tûtûmîrîtwe ndûmîrîri îno ya ûvonokio!

Ciîko 2:5

Kûu Jerusalemu nîgwatûûraga Ayahudi maaumîte mavûrûri monthe ma nthî. Andû acio maarî avoi Ngai.

1Akor 3:11

Gûtirî mûcingi wîngî mûndû angîvota gûtuma tiga ûrîa ûtumîtwe nî Ngai na nîguo Jesû Kristû.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Kûguû 20:15

Na mûndû wa wonthe ûrîa rîîtwa rîake rîtaarî rîandîke îvukuurî rîa mwoyo nîwaikirue îriarî rîa mwaki.