Ciîko 3:25 - ÎVUKU RÎA ÛVORO MWARO

²⁵ Mue mûrî a mbarî ya arathi, na nîmwamûkîrîte kîrîkanîro kîrîa Ngai aarîkanîre na methe menyu ma tene. Ke erire Iburahimu, îthe wenyu wa tene atîrî, ‘Nie nîngaarathima andû onthe a nthî na njîra ya andû a mbarî yaku.’

Ciîko 3:25 ပူးပေါင်းရင်းမြစ်များ

Kîam 12:3

Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Kîam 17:19

Nwatî Ngai nîwerire Iburahimu atîrî, “Naarî. Mûkaguo Sara nîagaagûciarîra mwana wa kavîcî na ûgaagatuîra rîîtwa Isaka. Nîngaavingia kîrîkanîro gîakwa nake wana njiarwa ciake tene na tene.

Kîam 18:18

nîûndû njiarwa ciake nîigaatuîka rûrîrî rûnene na rwa vinya. Nîngaarathima ndûrîrî cionthe cia nthî na njîra yake.

Kîam 20:7

Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”

Kîam 22:18

Na njîra ya njiarwa ciaku ndûrîrî cionthe cia nthî nîikaarathimwa nîûndû nîwambathîkîre.”

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

Kîam 28:14

Njiarwa ciaku nîikengîva ta mûthetu wa nthî. Nîigaatamba mîena yonthe ya nthî. Na njîra ya njiarwa ciaku, nîngaarathima mavûrûri monthe nthî.

1Maû 16:16

Kîrîkanîro kîrîa aarîkanîre na Iburahimu, kîîranîro kîrîa erîîre Isaka na mwîvîtwa.

1Maû 16:17

Ngai-Mûnene nîwarûthire kîrîkanîro na Jakovu, nîwarûthire kîrîkanîro gîa gûtûûra tene na tene.

Nehemia 9:8

Nîwonire atî ke nîwakwîvokete, na ûkîthondeka kîrîkanîro nake. Nîwamwîrire atî nî ûkaamûva vûrûri wa Kanaani, vûrûri wa Aperizi, na wa Ajebusi, wana vûrûri wa Agirigashi. Wonthe ûgîtuîka vûrûri ûrîa njiarwa ciaku igaatûûra. Nîûndû we ûrî mwîvokeku, nîwavingirie kîîranîro kîu.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 96:7

Kumiani Ngai-Mûnene, mue andû onthe a nthî, kumiani riiri na vinya wake.

Luka 1:72

Ke nîwaugire atî nîakeeguîra methe metû ntha, na aririkane kîrîkanîro gîake kîtheru.

Ciîko 13:26

“Ariû na aarî a îthe wetû, mue a mbarî ya Iburahimu, wa namue muonthe andû a ndûrîrî arîa mûgoocaga Ngai na mûrî ava: tue tuonthe nîtue tûtûmîrîtwe ndûmîrîri îno ya ûvonokio!

Ciîko 2:39

Ngai nîweranîre kîîranîro gîkî kûrî mue, kûrî ciana cienyu na kûrî andû onthe arîa marî kûraca, na kûrî andû onthe arîa Mwathani Ngai wetû etaga kûrî ke.”

Aroma 15:8

Nîûndû nie nînîmwîra atî Kristû aatuîkire ndungata ya Ayahudi nîguo onanie atî Ngai nîmwîvokeku kûrî ciîranîro ciake irîa erîrîte methe ma tene.

Aroma 4:13

Rîrîa Ngai eerîre Iburahimu na njiarwa ciake atî nthî yonthe îkeethîrwa îrî yake, ekire ûguo nîûndû Iburahimu nîwetîkirie na agîtuwa mûthingu nî Ngai, nwatî tî nîûndû nîwathîkagîra Watho.

Agal 3:16

Rîu Ngai nîwarûthire kîîranîro gîake na Iburahimu vamwe na rûciaro rwake. Mandîko matheru matiugîte atîrî, “Na njiarwa ciake,” ûguo nî kuga andû eengî, nwatî maugîte “Rûciaro rwake,” na nî kuga mûndû ûmwe, na nîke Kristû.

Agal 3:29

Ethîrwa mûrî a Kristû, mûrî a rûciaro rwa Iburahimu na nîmûkagaa kîrîa Ngai eeranîre.

Agal 3:8

Mandîko matheru nîmoonanirie na vau kavere atî Ngai nîagaatua andû a Ndûrîrî athingu nîûndû wa gwîtîkia. Kwoguo Iburahimu nîwamenyithirue na njîra ya ûvoro mwaro atî: “Andû a Ndûrîrî cionthe nîmakaarathimwa nîûndû waku.”

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.

Kûguû 7:9

Vuva wa ûguo nie nînaroririe na ngîona kîrîndî Kîam andû gûtarî mûndû ûngîavotire kûmatara. Andû acio maaumîte mavûrûrirî monthe, mîvîrîgarî yonthe, irukarî cionthe, na nthiomirî cionthe. Nao onthe maarûngamîte vau mbere ya gîtî Kîam ûthamaki na ya Gatûrûme, mekîrîte nguo cia rangi njerû na manyitîte mathîgî ma mîkîndû njararî ciao.