Ciîko 3:24 - ÎVUKU RÎA ÛVORO MWARO

²⁴ Nao arathi onthe arîa manavecana ndûmîrîri ya Ngai, mambîrîrîtue nî Samueli na arîa maaûkire vuva wake, nîmaarathire ûvoro wîgiî maûndû marîa marethîrwa magîkîka mîthenyarî îno.

Ciîko 3:24 ပူးပေါင်းရင်းမြစ်များ

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Ciîko 13:20

Maûndû mau monthe meekîkire kwa îvinda rîa mîaka magana mana ma mîrongo îtano. “Na vuva wa ûguo, Ngai nîwamavere atirîrîri a vûrûri nginya gûgîkinya vîndî ya mûrathi Samueli.

Ciîko 17:3

Nîwamataarîrie mandîko na kuuma kûrî mo akîmonia na ma atî nîkwarî na wagîrîru wa Mesaya athînue na acoke ariûke. Nake Paûlo nîwamerire atîrî, “Jesû ûcio nie nîramwîra ûvoro wake, nîke Mesaya.”

Ciîko 26:23

atî Mesaya nwanginya akaathînua na atuîke wa mbere kûriûka; ke nîke ûkaanîrîra kûrî Ayahudi na andû a ndûrîrî ûtheri ûrîa ûvonokanagia.”

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Ciîko 3:21

Nwatî Jesû nwa nginya ekare îgûrû nginya rîrîa kavinda gagaakinya ka maûndû monthe gûtuîka macerû. Kavinda kau nîko Ngai ke aaririe kuuma tene na njîra ya tûnyua twa arathi ake atheru.

Aroma 3:21

Na rîu, njîra îrîa Ngai atucaga andû athingu nayo nîîguûrîtue wana ethîrwa watho wa Musa na arathi nîwarîtie ûvoro wayo.

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 3:1

Nake mwanake ûcio wetagwa Samueli nîwathiîre na mbere gûtungatîra Ngai-Mûnene akîonagîrîrua nî Eli. Vîndî îo ndûmîrîri ciumîte kûrî Ngai-Mûnene vamwe na cioneki itiethagîrwa irî nyîngî.

1Sam 3:20

Nao andû a Isiraeli, kuuma Dani nginya Berishiba nîmaamenyire atî, na ma Samueli aarî mûrathi wa Ngai-Mûnene.