Ciîko 3:2 - ÎVUKU RÎA ÛVORO MWARO

² Na vau mûromorî wa hekarû, ûrîa wetagwa Mûromo Mûthaka, vaarî na mûndû watûûrîte onjete magûrû kuuma gûciarwa gwake. Wa mûthenya wa mûthenya nîwakuuagwa akaigwa vau mûromorî ûcio nîguo avoe mbeca kuuma kûrî andû arîa maatonyaga hekarûrî.

Ciîko 3:2 ပူးပေါင်းရင်းမြစ်များ

Luka 16:20

Na wa kûu kwarî na mûthîni ûmwe wetagwa Lazaro, ûrîa warî na ironda nyîngî mûno mwîrîrî wake. Nake Lazaro nîwaviragwa mûromorî wa nyomba ya gîtonga kîu,

Luka 18:35

Rîrîa Jesû aakuvîvîrie îtûûra rîa Jeriko, nîwakinyire vandû vaarî na mûtumumu wekarîte nthî rûtererî rwa njîra akîvoyaga ûtethio.

Johana 9:8

Nao andû arîa maariganîtie nake na arîa maamenyerete kûmwona akîvoya ûtethio nîmaaûririe atîrî, “Na kinthî mûndû ûyû tîke ûramenyerete kûvoya ûtethio ekarîte nthî?”

Ciîko 10:31

na akîmbîra atîrî, ‘Korinelio! Ngai nîwîguîte mavoya maku na atî we nîûvothagîra athîni.

Ciîko 10:4

Nake Korinelio nîwamûroririe amakîte mûno na akîmûria atîrî, “Nîndûî Mwathani?” Nake mûraika ûcio nîwamûcokerie atîrî, “Ngai nîwegua mavoya maku. Ke nîwona atî we nîûvothagîra athîni na nîwakûririkana.

Ciîko 14:8

Nakuo Listra nîkwarî na mûndû ûmwe waciarîtwe arî kîonje na ûtaarî anavota kûthiî na magûrû.

Ciîko 3:10

Na rîrîa maamenyire atî mûndû ûcio nî ûrîa watûûraga mûromorî ûrîa mûthaka akîvoya mbeca, onthe nîmaamakire mûno na makîgega nî ûrîa gwekîkîte.

Ciîko 4:22

Mûndû ûcio wavonirue na njîra îo ya kûringîrwa Kîamma aarî na ûkûrû wa makîria ya mîaka mîrongo îna.