Ciîko 3:14 - ÎVUKU RÎA ÛVORO MWARO

¹⁴ Mue nîmwaregire Ûrîa Mûtheru na Mûthingu na mûkîûria Pilato amwovorere mûragani vandû vake.

Ciîko 3:14 ပူးပေါင်းရင်းမြစ်များ

Thaburi 16:10

nîûndû ndûkaandiganîria nthiî kwa arîa akuû, kana ûtiganîria nie ngwîvokete mborere mbîrîrarî.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Mathaayo 27:20

Nao anene a athînjîri-Ngai na athuuri nîmaaringîrîrie kîrîndî kîre Pilato amarekerie Baraba na aûragithie Jesû.

Maariko 1:24

“Ûrenda atîa natue we Jesû wa Nazarethi? Ûkîte gûtûthiria? Nîngwîcî we wî û. We wî ûrîa Mûtheru wa Ngai!”

Maariko 15:11

Kwoguo anene a athînjîri-Ngai nîmaaringîrîre kîrîndî kîre Pilato amarekerie Baraba.

Maariko 15:7

Na vîndî îo kwarî na mûndû ûmwe wetagwa Baraba wovetwe njeera vamwe na mîtoi îrîa yaûraganîte vîndî îrîa kwarî na mbaara ya kûregana na thirikari.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 23:25

Nîwamovorere mûndû ûrîa meendaga, ûrîa wovetwe nîûndû wa kunjuga andû îtûûrarî na wa kûûragana. Nîwacokire akîmanengera Jesû nîguo mamwîke ûrîa meendaga.

Johana 16:10

nîmavîtîtie ûvororî wîgiî ûthingu nîûndû nîngûthiî kûrî Vava na mûtigûcoka kûmona.

Johana 18:40

Nao maugîrîrîtie nîmaamûcokerie atîrî, “Naarî ndûkamwovore! Tûrenda ûtwovorere Baraba!” (Nake Baraba aarî mûcunani.)

Ciîko 13:28

O matiarî na gîtûmi kîganu gîa gûtuîrîra Jesû aûragwe, nwatî nîmaaûririe Pilato amûûragithie.

Ciîko 2:27

nîûndû we ndûkaandiganîria kwa arîa akuû; we ndûgetîkîra ûrîa waku mwîvokeku oorere mbîrîrarî.

Ciîko 22:14

Nake nîwaugire atîrî, ‘Ngai wa methe metû ma tene nîakûthuurîte nîguo ûmenye wendi wake, wone Ndungata yake îrîa nthingu na wîgue ke agîkwarîria na kanyua gake.

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.

Ciîko 5:28

na akîmeera atîrî, “Tue tûramûkaanirie na vinya tûkîmwîra mûtikathomithanie na rîîtwa rîa mûndû ûcio. Nwatî mue ta roriani ûrîa mwîkîte! Mue mûthomithanîtie Jerusalemu kuonthe, na mûrenda tûcokwe nî nthakame ya mûndû ûcio!”

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Jakuvu 5:6

Mue nîmûtuîrîrîte na mûkaûraga andû arîa athingu na matireganaga namue.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 2:1

Ciana ciakwa nîramwandîkîra maûndû mama nîguo mûtikevie. Nwatî mûndû angîvia, tûrî na Jesû Kristû na nî mûthingu. Ke nîke ûtûciragîrîra arî mbere ya îthe.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.