Ciîko 3:13 - ÎVUKU RÎA ÛVORO MWARO

¹³ Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

Ciîko 3:13 ပူးပေါင်းရင်းမြစ်များ

Ntha 3:13

Nake Musa nîwerire Ngai atîrî; “Nîngîthiî kûrî andû a Isiraeli nîmere, ‘Ngai wa methe menyu ma tene nîke ûndûmîte kûrî mue’, na mambûrie, ‘Ke etagwa atîa?’ Ngaameera atîa?”

Ntha 3:15

Ngai nîwacokire akîra Musa ere andû a Isiraeli atî Ngai-Mûnene Ngai wa methe menyu, Ngai wa Iburahimu, Isaka, na Jakovu nîwandûma kûrî mue. Rîrî nîrîo rîîtwa rîakwa tene na tene na ûguo nîguo njiarwa cionthe ciagîrîrwe nî kûndirikanaga.

Ntha 3:6

Nie nînie Ngai wa methe menyu ma tene, Ngai wa Iburahimu, Isaka na Jakovu.” Nake Musa nîwakunîkire ûthiû wake nîûndû nîwetigagîra kûroria Ngai.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 20:19

Nao nîmagaacoka mamûvecane kûrî andû a ndûrîrî nîguo mamûnyûrûrie, mamûrive na ivoko na macoke mamwambe mûtharavarî îgûrû. Nwatî mûthenya wa kathatû nîakaariûkua.”

Mathaayo 22:32

‘Nie nînie Ngai wa Iburahimu, Ngai wa Isaka na Ngai wa Jakovu.’ Ke nî Ngai wa arîa marî mwoyo tî Ngai wa arîa akuû.”

Mathaayo 27:2

Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Maariko 15:11

Kwoguo anene a athînjîri-Ngai nîmaaringîrîre kîrîndî kîre Pilato amarekerie Baraba.

Luka 22:57

Nwatî Petero nîwakaanire akiugaga atîrî, “We mûndûmûka ûyû, tenya kûndeterere, nie wana ndiîcî mûndû ûyû!”

Luka 23:4

Pilato nîwacokire akîîra anene a athînjîri-Ngai wa vamwe na kîrîndî atîrî, “Nie ndirona ûndû wana ûmwe mûcûku nîngîthitanga mûndû ûyû naguo.”

Luka 6:37

“Mûtigatucanîre ciira, na wanamue mûtigaatuîrwa. Mûtigekûûe andû arîa engî na wanamue mûtigeekûûîrwa. Ovanagîrani na wanamue nî mûkooverwa.

Johana 12:16

Nao arutwa ake matiataûkîrwa nî maûndû vîndî îo, nwatî rîrîa Jesû aarîkirie kûgîa na riiri nîmaaririkanire atî mandîko matheru nîmaugîte nîagekwa maûndû mama.

Johana 18:40

Nao maugîrîrîtie nîmaamûcokerie atîrî, “Naarî ndûkamwovore! Tûrenda ûtwovorere Baraba!” (Nake Baraba aarî mûcunani.)

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

Johana 19:12

Rîrîa Pilato eegwire ûguo, nîwageririe gûcaria ûrîa angîovora Jesû. Nwatî Ayahudi nîmaaugîrîrie atîrî, “Wona wovora mûndû ûyû, we ndûrî mûrata wa mûthamaki wa Roma. Mûndû wonthe wîtucaga mûthamaki ethagîrwa arî nthû ya mûthamaki wa Roma!”

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Johana 7:39

Nake Jesû akiuga ûguo aaragia ûvoro wîgiî Roho Mûtheru, ûrîa warî avewe arîa maamwîtîkirie. Vîndî îo Roho ndaarî mûvecane nîûndû Jesû ndaarî mûve riiri wake.

Ciîko 22:14

Nake nîwaugire atîrî, ‘Ngai wa methe metû ma tene nîakûthuurîte nîguo ûmenye wendi wake, wone Ndungata yake îrîa nthingu na wîgue ke agîkwarîria na kanyua gake.

Ciîko 24:14

Nwatî ûndû ûrîa ngwîtîkîra nî atîrî: Nie ngoocaga Ngai wa methe metû ma tene nîrî mûrûmîrîri wa Njîra ya Jesû. Ayahudi maugaga atî Njîra îo nî ya maveeni. Wana nîmbîtîkîtie maûndû monthe marîa mandîkîtwe Wathorî wa Musa na mavukurî ma arathi.

Ciîko 3:12

Rîrîa Petero oonire andû acio, nîwamerire atîrî: “Mue andû etû a Isiraeli, ûndû ûyû ûmûmakîtie nîkî? Mûtûroretie na vinya ûguo nîkî? Nîkwa mûreciria atî nî vinya kana ûngai wetû ûtûmire mûndû ûyû athiî na magûrû?

Ciîko 3:26

Kwoguo Ngai nîwathuurire Ndungata yake na akîmîtûma kûrî mue mbere, nîguo îmûrathime na îtûme wa mûndû wa wonthe agarûrûke atige mîtugo yake ya waganu.”

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.

Ciîko 4:30

Kûnjûra njara yaku nîguo ûvonanie. Onania magegania na ûringe ciama na njîra ya rîîtwa rîa Jesû ndungata yaku ntheru.”

Ciîko 7:32

‘Nie nînie Ngai wa methe menyu ma tene, Ngai wa Iburahimu, Isaka na Jakovu.’ Nake Musa nîwambîrîrie kwinaina na akîgua guoya wa kûroria.

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.

Ahib 2:9

Nwatî twonaga Jesû ûrîa gwa kavinda kanini watuirwe mûnini gûkîra araika, nîguo na njîra ya wega wa Ngai akue nîûndû wa andû onthe. Na rîu tûmwonaga ekîrîte nthûmbî îrî na riiri na gîtîîo nîûndû wa ûrîa aathînirue na agîkua.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake