Ciîko 3:1 - ÎVUKU RÎA ÛVORO MWARO

¹ Mûthenya ûmwe Petero na Johana nîmaathiîre hekarûrî thaa kenda vîndî ya mavoya.

Ciîko 3:1 ပူးပေါင်းရင်းမြစ်များ

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

Thaburi 55:17

Nîmûkayagîra na ngamûrîrîra kîraûko, mûthenya na ûtukû, na akegua mûgambo wakwa.

Ntha 29:39

Ûkaarutaga ndûrûme îmwe kîraûko na îo îngî kîvwaî.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Danieli 9:21

Gaburieli, mûndû ûrîa noonire kîonekirî gîakwa Kîam mbere, nîwaûkire na îvenya nginya varîa naarî. Vîndî îo nîrîo magongoona ma kîvwaî maarutagwa.

Ndari 28:4

Gatûrûme kamwe gagaategagîrwa Ngai kîraûko na kau kengî kîvwaî.

Mathaayo 17:1

Mîthenya îtandatû yavîtûka, Jesû nîwocire Petero, Jakuvu na Mûrwang'ina Johana. Nîwamatongoririe makîthiî vandû kîrîmarî îgûrû na magîkara kuo marî onga.

Mathaayo 26:37

Nake Jesû nîwetire Petero na ariû aîrî a Zebedii na makîthiî vamwe nao. Jesû nîwambîrîrie kûnyitwa nî kîeva, akîthînîka mûno ngororî yake,

Mathaayo 27:45

Thaa thita cia mûthenya ciakinya, vûrûri wonthe nîwagîre nduma nginya thaa kenda.

Luka 1:10

Nao andû eengî nîmaavoyaga marî nja vîndî îrîa ûbani wavîvagua.

Luka 18:10

“Vîndî îmwe kwarî na andû aîrî maathiîre hekarûrî kûvoya. Ûmwe aarî Mûfarisai na ûcio wîngî aarî mwîtia wa mbeca cia gooti.

Luka 22:8

Nake Jesû nîwatûmire Petero na Johana akîmeera atîrî, “Thiîni mûkavarîrie irio cia pasaka nîguo tûke tûrîe.”

Luka 24:53

Na mavinda mao monthe nîmeekaraga hekarûrî magîkumagia Ngai.

Johana 21:7

Nake mûrutwa ûrîa Jesû eendeete nîwerire Petero atîrî, “Nî Mwathani!” Na rîrîa Petero eegwire atî nî Mwathani, nîwekîrire kanjû yake (nîûndû aarî mûmîrutu) na akîrûga manjîrî.

Ciîko 10:3

Na mûthenya ûmwe kîndû ta thaa kenda cia mûthenya, Korinelio nîwagîre na kîoneki. Nake nîwonire mûraika wa Ngai waro. Mûraika ûcio nîwamumîrîre na akîmwîra atîrî, “Korinelio!”

Ciîko 10:30

Nake Korinelio nîwaugire atîrî, “Mîthenya îna mîthiru, nie nînavoyaga nîrî gwakwa nyomba mathaa ta mama thaa kenda cia mûthenya. Na wa rîmwe mûndû wekîrîte nguo yakengaga nîwarûngamire mbere yakwa,

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Ciîko 3:3

Rîrîa oonire Petero na Johana magîtonya kuo, nîwamathaithire mamûve kîndû.

Ciîko 3:4

Nao nîmaamûroririe na vinya mûno na Petero nîwamwîrire atîrî, “Ta tûrorie!”

Ciîko 4:13

Nao athuuri a Kîamma nîmaamakire moona ûrîa Petero na Johana maaûmîrîrîtie. Nîmaamenyire atî o maarî andû mataarî ngûrani na andû arîa engî na matiarî athomu. Kwoguo nîmaamenyire atî Petero na Johana nîmaatûûranîtie na Jesû.

Ciîko 5:25

Nake mûndû ûmwe nîwatonyire Kîammarî na akîmeera atîrî, “Tathikîrîriani! Andû arîa mûraikirie njeera marûngamîte hekarûrî ndaarî makîthomithia andû!”

Ciîko 8:14

Nao atûmwa arîa maarî Jerusalemu nîmegwire atî andû a Samaria nîmaamûkîrîte kiugo Kîam Ngai. Kwoguo atûmwa acio nîmaatûmire Petero na Johana kûrî o.

Agal 2:9

Nao Jakuvu, Petero na Johana, arîa moonekaga marî atongoria nîmaamenyire waro viû atî Ngai nîwamveete wîra ûyû wa mwanya. Kwoguo nîmaakethirie Baranaba na makîngethia. Ngethi ciao ciarî ta kîonereria gîa atî tuonthe tûrutaga wîra ûmwe. Nîtwetîkanirie atî Baranaba nanie tûrute wîra gatagatîrî ka andû a Ndûrîrî, nao marute wîra gatagatîrî ka Ayahudi.