Ciîko 28:9 - ÎVUKU RÎA ÛVORO MWARO

⁹ Rîrîa ûndû ûcio wekîkire, andû arîa engî onthe maarî arwaru kûu gîcîgîrîrarî kîu nîmaathiîre na makîvonua.

Ciîko 28:9 ပူးပေါင်းရင်းမြစ်များ

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Ciîko 13:6

Na rîrîa maarîkirie kûvîtûkanîrîria gîcîgîrîrarî kîu, nîmaakinyire Pafosi kûrîa meethîrîrie Mûyahudi ûmwe mûringi ciama wetagwa Mûrû wa Joshua, na warî mûrathi wa maveeni.

Ciîko 28:10

Nao andû acio nîmaatûvere indo nyîngî. Na rîrîa twevarîrie kuuma kûu, nîmeekîrire indo nyîngî merirî irîa twavatarîte nîûndû wa rûgendo.

Ciîko 28:8

Nake îthe wa Pubulio aarî gîtandarî amamîte nîûndû aarî mûrwaru mûrimû wa kûviûva mwîrî na kûvarwa. Paûlo nîwathiîre gwake nyomba, akîvoya na akîmwigîrîra njara na akîmûvonia.

Ciîko 5:12

Atûmwa nîmaaringire ciama nyîngî na morirû gatagatîrî ka andû. Nao etîkia nîmaacemanagia kîthakurî gîa Solomoni.

Ciîko 5:15

Andû nîmaakuuaga arwaru ao na makamaumîria njîrarî mamamîrîte morîrî na ivarî. Maamaigaga kuo marî na mwîvoko atî arwaru amwe nîmakûvutua nî kîruru Kîam Petero vîndî îrîa aavîtûkaga kuo.