Ciîko 28:4 - ÎVUKU RÎA ÛVORO MWARO

⁴ Rîrîa andû arîa maatûûraga kuo moonire njoka îo îîrigicîrîtie njararî ya Paûlo, nîmeeranire atîrî, “Nwanginya mûndû ûyû ethîrwe nî mûûragani. Wana ethîrwa ndanakuîra îriarî, ûma ndûngîmwîtîkîria atûûra mwoyo.”

Ciîko 28:4 ပူးပေါင်းရင်းမြစ်များ

Kîam 3:1

Njoka yarî na wara gûkîra nyamû irîa ciîngî cionthe cia kîthaka irîa Ngai-Mûnene, Ngai aaûmbîte. Njoka nîyaûririe Mûndûmûka atîrî, “Nîkwa Ngai aamwîrire mûtikaarîe matunda ma mûtî wana ûrîkû mûgûndarî ûyû?”

Nthi 28:17

Mûndû ûrîa ûraganîte atûûraga aûrûraga nginya rîrîa agaakua, mûndû ta ûcio ndagîrîrwe nî gûtethua.

Isaia 26:21

Nîûndû Ngai-Mûnene nîagaaûka kuuma îgûrû kûrîa ekaraga aûke averithie andû nîûndû wa mavîtia mao. Nayo nthî nîkaaumbûra arîa maaûragirwe na ndîkaathitha rîngî arîa maaûragirwe.

Isaia 43:20

Nyamû cia kîthaka nîikaandîîa, ciathi na nyaga nîikaangumia; nîûndû nîngaatûma werûrî kûgîe na manjî, werûrî kûgîe na nyûnjî, nîguo andû akwa arîa athuure monage gîa kûnyua.

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

Mathaayo 23:35

Kwoguo, nîngaamûverithia nîûndû wa kûûraga andû onthe arîa athingu, kuuma kûûragwa kwa Habili nginyagia kûûragwa gwa Zakaria mûrû wa Barakia, ûrîa mwaûragîre gatagatîrî ka hekarû na metha ya kîgongoona.

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Luka 13:2

Nake Jesû nîwacokerie andû acio atîrî, “Nîkwa mwîciragia atî andû a Galili arîa maaûragirwe maarî evia gûkîra andû arîa engî onthe a Galili?

Luka 13:4

Î nao andû arîa îkûmi na anana maakwire vîndî îrîa maagwîrîrwe nî nyomba îrîa yarî ndaca mûno îtûûrarî rîa Siloamu; nîkwa mwîciragia ûguo kwonanirie atî maarî evia gûkîra andû arîa engî onthe maatûûraga îtûûrarî rîa Jerusalemu?

Johana 7:24

Tigani gûtucanagîra ciira kûringana na ûrîa maûndû monekaga mekariî, nwatî tucanagîrani ciira kûringana na ivooto.”

Ciîko 28:2

Nao andû arîa maatûûraga kuo nîmaatûtugire waro mûno. Na nîûndû nîkwambîrîrîtie kuura mbura na kwarî na mvevo nyîngî, nîmaakirie mwaki na magîtûnyita ûgeni tuonthe.

Ciîko 28:3

Nake Paûlo nîwaunire mûrigo wa ngû. Na vîndî îrîa eekagîra ngû icio riiko, njoka nîyaumire kûu ngûrî icio nîûndû wa ûrugarî na îkîrigicîria njararî yake.

Ciîko 28:5

Nwatî Paûlo nîwerivarivire njoka îo na akîmikia kûu mwakirî îtamwîkîte ûndû mûcûku.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”