Ciîko 27:4 - ÎVUKU RÎA ÛVORO MWARO

⁴ Nîtwaumire kûu Sidoni tûtwîte meri na tûkîthiî tûrî mwena wa îrathîro wa gîcîgîrîra gîa Kuporo, nîûndû rûkûngi nîrwavurutanaga rumîte na kûrîa twathiîte.

Ciîko 27:4 ပူးပေါင်းရင်းမြစ်များ

Mathaayo 14:24

Kavindarî kau îtarû rîarî îriarî vandû varaca kuuma nthî nyûmû. Narîo îtarû nîrîaikanagua nî makûmbî ma manjî, nîûndû rûkûngi nîrwavurutanaga rwerekerete na kûrîa îtarû rîaumaga.

Maariko 6:48

Nake nîwonire arutwa ake makîthînîka, nîûndû maatwarithagia îtarû marîerekeretie na kûrîa rûkûngi rwaumaga. Na kîraûko tene Jesû nîwamakinyîre athiîrîrîte manjîrî îgûrû akîenda kûmavîtûka.

Luka 8:22

Mûthenya ûmwe, Jesû na arutwa ake nîmaatwîre îtarû na Jesû akîmeera atîrî, “Nîtûringeni mûrîmo ûrîa wîngî wa îria.” Kwoguo nî maambîrîrie rûgendo rwao.

Ciîko 13:4

Kwoguo, Baranaba na Saûlo, matûmîtwe nî Roho Mûtheru, nîmaanyûrûrûkire Seleucia na kuuma kûu makîthiî marî merirî magîkinya gîcîgîrîrarî gîa Kuporo.

Ciîko 15:39

Nake Paûlo na Baranaba nîmaakararanirie na vinya mûno magîtigana Baranaba nîwocire Maariko na makîthiî na meri kinya Kuporo.

Ciîko 21:16

Nao arutwa amwe a kuuma îtûûrarî rîa Kaisarea nîmaathiîcanirie natue na magîtûvira nyomba kwa Munasoni ûrîa twathiîte gwîkara gwake. Ke aarî wa kuuma gîcîgîrîrarî gîa Kuporo na aarî ûmwe gatagatîrî ka etîkia arîa a mbere.

Ciîko 21:3

Natue nîtwakinyire vakuvî mûno na gîcîgîrîra gîa Kuporo. Nîtwavîtûkire tûgîkîonaga kîrî mwena wa rûgûrû na tûkîthiî tûgîkinya Sîria. Natue nîtwatiramire îtûûrarî rîa Turo kûrîa meri yathiîte kûrutwa mîrigo.

Ciîko 27:7

Na kwa îvinda rîa mîthenya mîîngî, nîtwathiîre kavora tûrî merirî. Na vuva wa kûrîa thîna mûno nîtwakinyire vakuvî na îtûûra rîa Kinidu. Nîtwaremirwe nî kûthiî na mbere nîûndû rûkûngi rwavurutanaga rumîte na kûrîa twathiîte. Kwoguo nîtwathiîre tûrî merirî na tûkîthiî mwena wa îveti wa gîcîgîrîra gîa Kirene tûkîvîtûkîrîra Salomone.

Ciîko 4:36

Kwarî na mûndû ûmwe Mûlawi waciarîrîtwe îtûûrarî rîa Kuporo. Mûndû ûcio eetagwa Josefu. Atûmwa maamûtuîrîrîte rîîtwa Baranaba (naguo nî kuga “Ke ûrîa ûmanagîrîria.”)