Ciîko 27:3 - ÎVUKU RÎA ÛVORO MWARO

³ Na mûthenya ûcio wîngî nîtwakinyire Sidoni. Na tûrî kûu Juliasi nîwatugire Paûlo waro mûno na a akîmwîtîkîria athiî kûrî arata ake nîguo avewe kîrîa aavatarîte.

Ciîko 27:3 ပူးပေါင်းရင်းမြစ်များ

Kîam 10:15

Ariû a Kanaani maarî Sidoni, ûrîa warî mûkûrû, Hethi,

Kîam 49:13

“Zebuluni agaatûûraga ndere cia îria, ndereerî ciake nîcio igaatuîka irûngamo cia meri. Mûvaka wake ûkethîrwa ûkinyîte Sidoni.

Isaia 23:12

Ke nîwaugire atîrî, “We mwarî wa Sidoni, ndûgaakena rîngî; wana ûkaûra ûkînathiî Kuporo, wana kûu ndûkoona ûvurûko.”

Zakaria 9:2

Hamathi wana rîo, rîrîa rîvakanîte na Hadiraki, Turo na Sidoni, wana ethîrwa marî aûgî nî ake.

Mathaayo 11:21

“Na kaî mue andû a Korazini mûrî na thîna-î, wanamue andû a Bethisaida kaî mûrî na thîna-î! Nîûndû ciama irîa ciaringîîrwe kwenyu ingîaringirwe Turo na Sidoni, andû a kuo nîmangîeririre mevia mao tene. Nao nîmangîekîrire nguo ciao cia macakaya na makeminjîria mûu nîguo moonanie atî nîmerira mevia mao.

Ciîko 12:20

Nake Herode nîwarakarirue mûno nî andû a Turo na Sidoni, na kwoguo nîmaathiîre kûmwona marî gîkundi. Nao nîmaambire makîgwithia Blasito ûrîa warûngamîrîrîte mûciî wa mûthamaki, atî nwa nginya amatethie. Nîmacokire makîthiî kûrî Herode na makîmwîra etîkîre mekaranie na thayû nîûndû vûrûri wao warutaga irio vûrûrirî ûcio wa mûthamaki.

Ciîko 24:23

Feliki nîwathire mûnene wa athigari îgana akîmwîra Paûlo ekare arî mûrangîre, nwatî amûvecage wîathi mûnini na etîkagîrie arata ake mamûviragîre kîndû wa kîonthe kîrîa angîvatara.

Ciîko 27:1

Nakuo nîgwatwirwe atî nîtwagîrîrwe nî gûtwa meri tûthiî Italia. Nake Paûlo na andû amwe arîa maarî ove njeera nîmaanenganîrwe kûrî Juliasi ûrîa warî mûnene wa mbûtû ya athigari a Roma îrîa yetagwa “Mbûtû ya Mûthamaki.”

Ciîko 27:43

Nwatî mûnene wa athigari îgana nîwendaga kûvonokia Paûlo ndakaûragwe, kwoguo ndaametîkîria mavingie mûvango ûcio wao. Vandû va ûguo nîwathire andû onthe arîa mangîavotire kûthambîra mambe marûge îriarî mathambîre mathiî nthî nyûmû.

Ciîko 28:16

Rîrîa twakinyire Roma, Paûlo nîwetîkîrue ekare arî wenga marî na mûthigari wa kûmûrangîra.

Josh 19:28

Eburoni, Rehobu, Hamoni, Kana na ûkathiî nginya Sidoni îrîa nene.