Ciîko 27:1 - ÎVUKU RÎA ÛVORO MWARO

¹ Nakuo nîgwatwirwe atî nîtwagîrîrwe nî gûtwa meri tûthiî Italia. Nake Paûlo na andû amwe arîa maarî ove njeera nîmaanenganîrwe kûrî Juliasi ûrîa warî mûnene wa mbûtû ya athigari a Roma îrîa yetagwa “Mbûtû ya Mûthamaki.”

Ciîko 27:1 ပူးပေါင်းရင်းမြစ်များ

Kîam 50:20

Mweciragia mwambîkaga ûndû mûcûku, nwatî Ngai nîwatûmire ûndû ûcio ûtuîke mwaro nîguo andû engî matigakue wata ûrîa mûrona gwîkariî ûmûnthî.

Thaburi 33:11

Nwatî mîvango ya Ngai-Mûnene îtûûraga tene na tene, wendi wake ûtûûraga kûrî njiarwa cionthe.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Maca 3:27

Nî waro mûndû kwîruta gûkirîrîria, vîndî îrîa arî mwîthî.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Luka 23:47

Vîndî îrîa mûnene wa athigari îgana oonire ûrîa gwekîka, nîwakumirie Ngai akiugaga atîrî, “Na ma mûndû ûyû ararî mûthingu!”

Luka 7:2

Vîndî îo mûnene ûmwe wa athigari îgana wa Kîîroma aarî na ndungata îmwe yake eendeete mûno. Na kavinda kau ndungata îo nîyarwarîte mûno îgakuvîvîria gûkua.

Ciîko 10:1

Nakuo Kaisarea kwarî na mûndû ûmwe wetagwa Korinelio, warî mûnene wa athigari magana matandatû a mbûtû ya Roma îrîa yetagwa “Mbûtû ya Italia.”

Ciîko 10:22

Nao nîmaamûcokerie atîrî, “Tue nîkwa tûtûmîrwe nî Korinelio ûrîa wîthagîrwa arî mûnene wa athigari îgana. Ke nî mûndû mûthingu, wîtigîrîte Ngai, na ûvetwe gîtîîo nî rûrîrî ruonthe rwa Ayahudi. Mûraika wa Ngai aramwîrire agûtûmanîre ûthiî gwake mûciî nîguo egue ûrîa we ûkuga.”

Ciîko 16:10

Na rîrîa Paûlo aarîkirie kûgîa na kîoneki kîu, tue nîtwevarîrie wa rîo kûthiî Makedonia, nîûndû nîtwatwire ciira atî Ngai nîwatwîtîte tûvunjîrie andû arîa maarî kûu Ûvoro Mwaro.

Ciîko 18:2

Kûu nîkuo aatûnganire na Mûyahudi wetagwa Akuila waciarîrîtwe Pontasi. Nwatî Akuila marî na Pirisila, ûrîa warî mûndûmûka wake, methîrîtwe maauma Italia, nîûndû Mûthamaki Kilaudio nîwathanîte akauga Ayahudi onthe nwa nginya maume kûu Roma. Nake Paûlo nîwathiîre gûcerera Akuila na Pirisila,

Ciîko 19:21

Na rîrîa maûndû mau maarîkirie gwîkîka, Paûlo atongoretue nî Roho nîwatwire îtua atî ke nîakûthiî Jerusalemu avîtûkanîrîrîtie Makedonia na Akaia. Nake nîwaugire atîrî, “Nie narîkia kûthiî Jerusalemu, nîngûcoka kûthiî gûcera Roma.”

Ciîko 21:32

Na vîndî wa îo mûnene ûcio wa athigari nîwocire athigari amwe na anene a athigari îgana, na makîvinyûra makîthiî varîa kîrîndî kîu Kîamgomanîte. Na rîrîa andû acio maamwonire arî na athigari nîmaatigire kûriva Paûlo.

Ciîko 22:26

Rîrîa mûnene ûcio wa athigari îgana eegwire ûguo, nîwathiîre kûrî mûnene wa mbûtû ya athigari na akîmwîra atîrî, “We nîwîka atîa? Mûndû ûcio nî Mûûroma!”

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

Ciîko 23:17

Paûlo nîwacokire agîîta mûnene ûmwe wa athigari îgana na akîmwîra atîrî, “Tavira mwanake ûyû kûrî mûnene wa mbûtû ya athigari nîûndû arî na ûndû arenda kûmwîra.”

Ciîko 24:23

Feliki nîwathire mûnene wa athigari îgana akîmwîra Paûlo ekare arî mûrangîre, nwatî amûvecage wîathi mûnini na etîkagîrie arata ake mamûviragîre kîndû wa kîonthe kîrîa angîvatara.

Ciîko 25:12

Rîrîa Fesito aarîkirie kwaranîria na andû arîa maamûtaaraga, nîwacokerie Paûlo atîrî, “We nîwacokia ciira riiko kûrî mûthamaki wa Roma. Kwoguo nîûkûthiî kûrî mûthamaki wa Roma.”

Ciîko 25:25

Nwatî monire atî ke tîmwîku wa naarî ûndû ûngîtûma atuîrwe kûûragwa. Na nîûndû ke mwene nîacokirie ciira riiko acirithue nî mûthamaki wa Roma, nînthondekire îtua avirwe kûrî ke.

Ciîko 27:11

Nwatî mûnene ûcio wa athigari a Roma ndetîkia ûrîa ke eerirwe nî Paûlo, nwatî etîkirie ûrîa eerirwe nî mûtwarithia wa meri na mwene yo.

Ciîko 27:43

Nwatî mûnene wa athigari îgana nîwendaga kûvonokia Paûlo ndakaûragwe, kwoguo ndaametîkîria mavingie mûvango ûcio wao. Vandû va ûguo nîwathire andû onthe arîa mangîavotire kûthambîra mambe marûge îriarî mathambîre mathiî nthî nyûmû.

Ciîko 27:6

nîtwaumire merirî îrîa twarî na tûgîtwîthua merirî îngî îrîa mûnene ûcio wa athigari ethîîre kuo. Meri îo yaumîte Alekisandiria na yathiîte Italia.

Ciîko 28:1

Rîrîa twakinyire nthî nyûmû wa waro, nîtwamenyire atî gîcîgîrîra kîu gîetagwa Morita.

Ciîko 28:16

Rîrîa twakinyire Roma, Paûlo nîwetîkîrue ekare arî wenga marî na mûthigari wa kûmûrangîra.

Ahib 13:24

Kethiani atongoria enyu onthe wana etîkia onthe. Ariû na aarî a îthe wetû kuuma Italia nîmamûkethia.