Ciîko 26:8 - ÎVUKU RÎA ÛVORO MWARO

⁸ Mue muonthe mûrî ava mûrona arî vinya gwîtîkia nîkî atî Ngai nî ariûkagia arîa akuû?

Ciîko 26:8 ပူးပေါင်းရင်းမြစ်များ

Kîam 18:14

Kûrî ûndû Ngai-Mûnene atangîvota gwîka? Wata ûrîa nauga, nî ngaacoka vuva wa mîeri kenda kuuma rîu, na Sara nîakaagîa na kamwana.”

Luka 1:37

nîûndû gûtirî ûndû Ngai atangîvota gwîka.”

Luka 18:27

Nake Jesû nîwamacokerie atîrî, “Maûndû marîa andû matangîvota gwîka, Ngai nwa avote kûmeka.”

Ciîko 23:6

Nwatî vîndî îrîa Paûlo aamenyire atî andû amwe arîa maarî Kîammarî kîu maarî Asadukai na engî maarî Afarisai nîwaugîrîrie atîrî, “Arîu na aarî a îthe wetû, nie nîrî Mûfarisai na aciari akwa maarî Afarisai. Nîrî ava ngîcirithua nîûndû wa mwîrîgîrîro ûrîa nîrî naguo atî akuû nîmakaariûka!”

Ciîko 25:19

Nwatî nîkwarî na maûndû mamwe maatûmaga makararanie nake. Nîmaakararanagia nake îgûrû rîa ûvoro wîgiî ndini yao na wîgiî mûndû ûmwe wîtagwa Jesû ûrîa wakuîte. Nwatî Paûlo nîwaugaga aûmîrîrîtie atî mûndû ûcio arî mwoyo.

Ciîko 4:2

Nao nîmaarakarire mûno nîûndû arutwa acio aîrî nîmaathomithagia andû makameera atî Jesû nîwariûkîte, ûvoro ûrîa wonanagia atî arîa makuîte nîmakaariûka.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.