Ciîko 26:7 - ÎVUKU RÎA ÛVORO MWARO

⁷ Kîîranîro kîu nwakîo andû etû a mîvîrîga îrîa îkûmi na îîrî merîgagîrîra kûgîa nakîo vîndî îrîa makûgooca Ngai marî na kîîo ûtukû na mûthenya. Mûthamaki mûgathe, Ayahudi maranthitanga nîûndû nîrî na mwîrîgîrîro ûvororî wîgiî kîîranîro kîu!

Ciîko 26:7 ပူးပေါင်းရင်းမြစ်များ

Ezira 6:17

Nîmaarutire ndegwa îgana rîmwe, ng'ondu magana maîrî, na tûtûrûme magana mana nîûndû wa îgongoona rîa kwamûra hekarû. Nîmaacokire makîruta nthenge îkûmi na igîrî nîûndû wa mevia ma andû a Isiraeli, wa mûvîrîga warutaga nthenge îmwe.

Ezira 8:35

Andû onthe arîa maacokete kuuma îthamîriorî nîmaacokire makîrutîra Ngai wa Isiraeli matega ma kûvîvua. Nîmaarutire ndegwa îkûmi na igîrî nîûndû wa vûrûri wonthe wa Isiraeli, ng'ondu mîrongo kenda na ithathatû na tûtûrûme mîrongo mûgwanja na mûgwanja. Nîmaacokire makîruta mbûri îkûmi na igîrî nîûndû wa mevia mao. Nyamû icio cionthe nîciavîvirue irî matega ma Ngai-Mûnene.

Thaburi 135:2

mue arîa mûrûngamaga nyombarî ya Ngai-Mûnene, mue arîa mûrûngamaga nja ya nyomba ya Ngai wetû.

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

Ciîko 24:15

Nie nîrî na mwîrîgîrîro kûrî Ngai wata ûrîa andû aya o ene marî naguo, atî andû onthe arîa aro na acûku, nîmakaariûka.

Ciîko 26:2

“Mûthamaki Angiripa! Nie nîrona nîrî na mûnyaka nîûndû ûmûnthî nîrî ava mbere yaku. Nîngwîtetera kuumana na maûndû monthe marîa Ayahudi manthitangîte nîûndû wamo.

Ciîko 26:3

We nîwîcî waro ûvoro wîgiî mîtugo yonthe ya Ayahudi na maûndû marîa o makararagia. Kwoguo nîrakûthaitha ûnthikîrîrie ûrî na ûkirîrîria.

Ciîko 28:20

Kîu nîkîo kîratûmire mende kûmwona na twaranîrie namue. Ûvoro wa ma nî atî, njovetwe na mînyororo îno nîûndû wa mwîrîgîrîro wa Isiraeli.”

Afil 3:11

nîrî na mwîvoko atî nie nîngaariûkua.

1Ath 3:10

Mûthenya na ûtukû nîtûvoyaga na ngoro yetû yonthe nîguo atûvotithie twonane namue rîngî nîguo tûvote kûmûva kîrîa mûvatarîte wîtîkiorî wenyu.

1Tim 5:5

Mûndûmûka wa ndigwa ûrîa ûtarî na mûndû wa kûmûtethia na wîkaraga wenga, aigaga kîîrîgîrîro gîake kûrî Ngai. Avoyaga ûtukû na mûthenya nîguo Ngai amûtethie.

Jakuvu 1:1

Nie Jakuvu ndungata ya Ngai na ya Mwathani Jesû Kristû: Nînamûkethia mue muonthe andû a Ngai arîa mûnyagarûkîte nthî yonthe.