Ciîko 26:5 - ÎVUKU RÎA ÛVORO MWARO

⁵ Mangîenda nwa marute ûira atî kwa îvinda îraca mbîthîrîtwe nîrî Mûfarisai wa ma. Afarisai nî Kîamma kîrîa kîrûmagîrîra mawatho na ndini ya Kîyahudi gûkîra ikundi irîa ciîngî cionthe.

Ciîko 26:5 ပူးပေါင်းရင်းမြစ်များ

Ciîko 15:5

Nwatî etîkia amwe arîa maarî a gîkundi Kîam Afarisai, nîmaarûngamire na makiuga atîrî, “Andû a ndûrîrî nwa nginya marwithue na meerwe mathîkîre Watho wa Musa.”

Ciîko 22:3

“Nie nîrî Mûyahudi, na naaciarîrwe Tariso vûrûrirî wa Kilikia, nwatî ngîrererwa gûkû îtûûrarî rîîrî rîa Jerusalemu. Gamalieli nîke wanthomithirie. Ke nîwanthomithirie na njîra îno mbîcûru viû ûvororî wîgiî Watho wa methe metû ma tene. Nie nînatungatagîra Ngai nîrî na kîîo kîîngî mûno wa tamue muonthe arîa mûrî ava ûmûnthî.

Ciîko 22:5

Mûthînjîri-Ngai ûrîa mûnene na athuuri onthe a Kîamma nwa marute ûira atî nie nîraria ûma. Nîo maanengeere maarûa nîguo nîivire kûrî ariû na aarî a îthe wetû arîa maarî Damesiki. Kwoguo Nînathiîre kuo, ngînyita andû acio na ngîmarete gûkû Jerusalemu marî oove nîguo maverithue.

Ciîko 23:6

Nwatî vîndî îrîa Paûlo aamenyire atî andû amwe arîa maarî Kîammarî kîu maarî Asadukai na engî maarî Afarisai nîwaugîrîrie atîrî, “Arîu na aarî a îthe wetû, nie nîrî Mûfarisai na aciari akwa maarî Afarisai. Nîrî ava ngîcirithua nîûndû wa mwîrîgîrîro ûrîa nîrî naguo atî akuû nîmakaariûka!”

Ciîko 24:14

Nwatî ûndû ûrîa ngwîtîkîra nî atîrî: Nie ngoocaga Ngai wa methe metû ma tene nîrî mûrûmîrîri wa Njîra ya Jesû. Ayahudi maugaga atî Njîra îo nî ya maveeni. Wana nîmbîtîkîtie maûndû monthe marîa mandîkîtwe Wathorî wa Musa na mavukurî ma arathi.

Ciîko 24:5

Tue nîtûrîkîtie kwona atî mûndû ûyû nî mûcûku. Ke nîwambagîrîria gacagaca gatagatîrî ka Ayahudi onthe arîa marî nthî yonthe, na nîke mûtongoria wa Kîamma Kîam Anazari.