Ciîko 26:22 - ÎVUKU RÎA ÛVORO MWARO

²² Nwatî Ngai nîandethetie. Kwoguo nûngamîte ava ûmûnthî ngîrutaga ûira wakwa kûrî andû onthe, anini na anene. Maûndû marîa nîrauga nîmagwîkîka, nwamo arathi na Musa maaugire atî nîmagekîka namo nî:

Ciîko 26:22 ပူးပေါင်းရင်းမြစ်များ

Ezira 8:31

Mûthenya wa îkûmi na îîrî wa mweri wa mbere nîrîo twaumire Ahava mûtarorî wa manjî nîguo tûthiî Jerusalemu. Ngai nîwatûgitîre rûgendorî rwetû kuuma kûrî nthû irîa ingîatûtharîkîre kana arîa mangîatwovere njîrarî.

Thaburi 124:8

Ûtethio wetû umaga kûrî Ngai-Mûnene, ûrîa waûmbire îgûrû na nthî.

Thaburi 18:47

Nîke wamvotithirie kwîrîvîrîria kûrî nthû ciakwa, nîwatûmire mvoote andû a ndûrîrî,

Thaburi 66:12

Nîwatûmire nthû cietû itûkinyange; tûnyamarîte ta andû mavîtûkîrîrîte mwaki na mwîcûrorî wa manjî; nwatî nîûtûretete kûndû kûrî na ûgitîri.

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”

Luka 16:28

nîûndû nîrî na aa mûrwaiya atano nîguo athiî akamakanie matigeke ta ûrîa nekaga nîguo wa nao matigaûke gûkû mathînarî mama.’

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Luka 24:46

na akîmeera: “Kwandîkîtwe atîrî, nwa nginya Mesaya athînue na mûthenya wa kathatû acoke ariûke.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Johana 5:46

Kethîrwa na ma mue nîmwetîkîtie Musa, wa nanie nîmûngîmbîtîkîtie, nîûndû ke aandîkire ûvoro ûrîa ûmbîgiî.

Ciîko 10:43

Arathi onthe nîmaarutire ûira wîgiî Jesû, na makiuga atî andû onthe arîa mamwîtîkîtie nîmakooverwa mevia mao na vinya wa rîîtwa rîake.”

Ciîko 13:29

Na vîndî îrîa maarîkirie gwîka maûndû monthe marîa maamwîgiî marîa maandîkîtwe Mandîkorî Matheru, nîmaamûcurûkirie kuuma mûtharavarî îgûrû na makîmûthika mbîrîrarî.

Ciîko 24:14

Nwatî ûndû ûrîa ngwîtîkîra nî atîrî: Nie ngoocaga Ngai wa methe metû ma tene nîrî mûrûmîrîri wa Njîra ya Jesû. Ayahudi maugaga atî Njîra îo nî ya maveeni. Wana nîmbîtîkîtie maûndû monthe marîa mandîkîtwe Wathorî wa Musa na mavukurî ma arathi.

Ciîko 26:17

Nie nîngûkûgitîra kuuma kûrî andû a Isiraeli na andû a ndûrîrî arîa ngûgûtûma ûthiî kûrî o.

Ciîko 26:6

Na rîu nûngamîte ava ngîcirithua nîûndû wa mwîrîgîrîro ûrîa nîrî naguo ûvororî wîgiî kîîranîro kîrîa Ngai eerîre methe metû ma tene.

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Aroma 3:21

Na rîu, njîra îrîa Ngai atucaga andû athingu nayo nîîguûrîtue wana ethîrwa watho wa Musa na arathi nîwarîtie ûvoro wayo.

1Akor 15:3

Ûvoro wa mbere na wa vata mûno ûrîa namûkinyîrie na ûrîa wa nanie naamûkîre nî atî: Kristû nîwakwire nîûndû wa mevia metû, wata ûrîa kwandîkîtwe Mandîkorî Matheru.

1Akor 15:4

Nake nîwathikirwe na mûthenya wa kathatû akîriûka, wata ûrîa kwandîkîtwe Mandîkorî Matheru.

2Tim 3:11

Wana nîûrûmîrîrîte kûnyarirwa gwakwa, na mathîna makwa. We nîwîcî ûrîa naanyaririrwe rîrîa naarî Antiokia, Ikonia, Lusitera, na ngîûmîrîria! Nwatî Mwathani nîwandethûrire kuuma mînyamaarorî îo yonthe.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!

Kûguû 20:12

Na nînoonire andû arîa maakuîte, anene na anini, marûngamîte mbere ya gîtî Kîam ûthamaki. Namo mavuku nîmaavingûrirwe. Na îvuku rîngî narîo nîrîavingûrirwe na nî îvuku rîa mwoyo. Andû arîa maakuîte nîmaatuîrîrwe kûringana na ûrîa mekîîte, wata ûrîa kwandîkîtwe mavukurî mau.

1Sam 7:12

Samueli nîwacokire agîoca îthiga, na akîrîvanda vau gatagatî ka Mizipa na Sheni, na akîrîtuîra rîîtwa akîrîta “Îthiga rîa Ûtethio,” na akiuga atîrî, “Ngai-Mûnene nîatûtethetie nginya ûmûnthî.”