Ciîko 26:18 - ÎVUKU RÎA ÛVORO MWARO

¹⁸ Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Ciîko 26:18 ပူးပေါင်းရင်းမြစ်များ

Thaburi 119:18

Vingûra metho makwa nîguo mone maûndû ma magegania marîa marî wathorî waku.

Thaburi 146:8

na nîavingûraga ndumumu metho. Nîaûkagîrîria arîa avinyîrîrie, na nîendete arîa athingu.

Isaia 29:18

Mûthenya ûcio itegua nîikegua îvuku rîkîthomwa, nao arîa matûûraga ndumarî marî atumumu nîmakoona.

Isaia 32:3

Metho ma arîa monaga matikaavingwa, namo matû ma arîa megucaga nîmakaathikîrîria.

Isaia 35:5

Itumumu nîikaavota kwona, na itaigua nîikaavota kwîgua.

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Isaia 42:7

Nîûkaavingûra metho ma itumumu, nîûkaaruta andû arîa ove njeera, na ûrete ûtheri kûrî arîa mekaraga ndumarî.

Isaia 43:8

Ngai arauga atîrî, “Reteni andû acio wana ethîrwa marî na metho, nî ndumumu, acio matiîgucaga, wana ethîrwa marî na matû!

Isaia 49:6

Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 9:2

Andû arîa maatwîre mathiîcagîrîra ndumarî nîmonete ûtheri mûnene. Andû arîa maatûûraga vûrûrirî wa nduma ndumanu, rîu nîmarîrîtwe nî ûtheri.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 4:16

Andû arîa matûûraga ndumarî, nîmonete ûtheri mûnene. Nao arîa matûûraga mûtûûrîre ûrîa ûtagîrîrîte, nîmakinyîrîtwe nî ûtheri.”

Luka 1:77

Nîûkaamenyithia andû ake atî nî makaavonokua, na njîra ya kwoverwa mevia mao.

Luka 1:79

Nîakaatherera arîa mekarîte ndumarî na ûgwatirî wa gîkuû, na atwerekerie njîrarî ya thayû.”

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Luka 24:45

Nake Jesû nîwamavotithirie gûtaûkîrwa nî Mandîko,

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Johana 17:17

Mamûre matuîke aku ûvororî wa ma. Ciugo ciaku nî cia ma.

Johana 3:19

Andû matucagîrwa na njîra îno: ûtheri nîûrîkîtie gûka nthî, nwatî andû nîmendete nduma gûkîra ûrîa mendete ûtheri nîûndû ciîko ciao nî njûku.

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Johana 9:39

Nake Jesû nîwaugire atîrî, “Nie naûkire gûkû nthî gûtucanîra ciira, nîguo atumumu mavote kwona na arîa monaga matuîke atumumu.”

Johana 9:5

Îvinda rîrîa ngwîthîrwa nîrî gûkû nthî, nîmbîthîrwa nîrî ûtheri wa nthî.”

Ciîko 10:43

Arathi onthe nîmaarutire ûira wîgiî Jesû, na makiuga atî andû onthe arîa mamwîtîkîtie nîmakooverwa mevia mao na vinya wa rîîtwa rîake.”

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 20:32

“Rîu nie nîramwiga njararî cia Ngai na ûvororî wîgiî wega wake. Wega ûcio wake nwa ûvote kûmûva vinya na wavota gûtûma mûgîe na îgai rîa irathimo irîa Ngai aigîrîte andû onthe ake atheru.

Ciîko 26:19

“Kwoguo mûthamaki Angiripa, ndingîaregire kwathîkîra kîoneki kîu nagîte nakîo kiumîte îgûrû.

Ciîko 26:23

atî Mesaya nwanginya akaathînua na atuîke wa mbere kûriûka; ke nîke ûkaanîrîra kûrî Ayahudi na andû a ndûrîrî ûtheri ûrîa ûvonokanagia.”

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

1Akor 1:2

nîtwamwandîkîra maarûa mue kanitha wa Ngai ûrîa ûrî îtûûrarî rîa Korinitho na kûrî arîa onthe metîtwe matuîke andû a Ngai arîa matuîkîte ake marî na ûrûmwe na Jesû Kristû. Mue mwîtîtwe mûtuîke andû a Ngai mûrî vamwe na andû onthe arîa marî kûndû kuonthe na magoocaga Mwathani wetû Jesû Kristû ûrîa arîke Mwathani wao na wetû:

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Akor 6:14

Mûtikanagerie kûrutithania wîra vamwe na arîa matetîkîtie ta mûrî ûndû ûmwe nao. Kûngîvoteka atîa waro na ûcûku igîe na ngwatanîro? Kûngîvoteka atîa ûtheri na nduma itûûre vamwe?

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Agal 3:14

Kristû eekire ûguo nîguo kîrathimo kîrîa Ngai eerîre Iburahimu, gîkinyîre andû a Ndûrîrî na njîra ya Jesû Kristû nîguo na njîra ya wîtîkio tûvote kwamûkîra Roho ûrîa Ngai eeranîre.

Agal 3:2

Tambîrani atîrî: Mwamûkîre Roho na njîra ya kûrûmîrîra watho, kana nî na njîra ya kwîgua ûvoro mwaro na kûwîtîkia?

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.

Aefeso 1:14

Roho nîke ûtûmenyithagia na ma atî nîtûkaagîa na kîrîa Ngai eerîre andû ake. Ke nîatwonagia na ma atî Ngai nîakaavecana wîyathi mwîganu kûrî arîa ake. Tigani tûkumie riiri wake!

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Aefeso 2:8

Nî wega wa Ngai ûtûmîte mûvonokue na njîra ya gwîtîkia. Ûvonokio wenyu ndumanîte na mawîra marîa mwanaruta, nwatî nî kîveo kuuma kûrî Ngai.

Aefeso 4:18

Matitaûkagîrwa na gûtirî ûndû maicî nîûndû wa ûmû wa ngoro ciao. Kwoguo matigîcaga na ûtûûro ûrîa ûvecanagwa nî Ngai.

Aefeso 5:11

Tigagani kûgwatanîra na andû arîa mekaga maûndû marîa matarî vata na mekagîrwa ndumarî. Vandû va ûguo, tigagani maûndû mau mamenyekanage nî andû.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.

2Tim 2:26

Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.

Ahib 10:10

Nîûndû Jesû Kristû nîwekire ûrîa Ngai eendete, tue tûrî atherie kuuma meviarî. Tûtheretue nî îgongoona rîa mwîrî wa Jesû Kristû ûrîa aarutire rita rîmwe rîa kwîgana.

Ahib 10:14

Na njîra ya îgongoona rîu rîmwe aarutire, ke nîatuîte andû arîa matheretue kuuma meviarî akinyanîru tene na tene.

Ahib 11:6

Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 1:4

kwoguo nîtwetagîrîra kûgwata îgai rîrîa Ngai aigîrîte andû ake. Îgai rîrîa amwigîrîte îgûrû kûrîa rîtangîora, rîtangîgia na gîko na rîtangîthira.

1Pet 2:25

Mwekariî ta ng'ondu ivîtîtie njîra, nwatî rîu nîmûcokererete Mûrîthi na Mûmenyereri wa mîoyo yenyu.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

1Joh 1:9

Nwatî tûngiumbûra mevia metû kûrî Ngai ke nîagûtwovera na atûtherie mevia metû monthe nîûndû ke nî mwîvokeku na nîekaga ûma.

1Joh 2:12

Nîramwandîkîra mue ciana ciakwa, nîûndû mûrî overe mevia menyu nîûndû wa ûrîa Kristû eekire.

1Joh 3:8

Mûndû wa wonthe wîvagia nî wa Ngoma nîûndû Ngoma îtûûraga îvagia kuuma wa Kîammbîrîria. Kîrîa gîatûmire Mûriû wa Ngai aûke, nî gûcûkangia wîra wa Ngoma.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.