Ciîko 26:16 - ÎVUKU RÎA ÛVORO MWARO

¹⁶ Nwatî ûkîra ûrûngame na magûrû maku. Nie nakumîrîra nîrî na mworoto wa gûkûthuura nîguo ûtuîke ndungata yakwa na mûira wakwa. We ûkeeraga andû arîa engî ûrîa wona ûmbîgiî ûmûnthî na maûndû marîa ngaakwonia vuvarî.

Ciîko 26:16 ပူးပေါင်းရင်းမြစ်များ

Ezek 2:1

Mûgambo ûcio waugire atîrî, “We mûndû, rûngama na magûrû maku na nîngûkwarîria.”

Danieli 10:11

Nake mûraika nîwambîrire atîrî, “Danieli, Ngai nîakwendete mûno. Rûngama na ûthikîrîrie waro ûrîa ngûkwîra. Nie ndûmîtwe kûrî we.” Rîrîa aambîrire ûguo, nînarûngamire wa nginainaga.

Luka 1:2

Maandîkire kûringana na ûrîa twîrîtwe ûvoro nî andû arîa moonire maûndû mama kuuma wa Kîammbîrîria na andû arîa maavunjagia ndûmîrîri ya Ngai.

Ciîko 1:17

Judasi ûcio aarî ûmwe wa gîkundi gîkî gîetû wathuurîtwe na warutithanagia wîra natue.”

Ciîko 1:25

wa gûtungata arî mûtûmwa vandûrî va Judasi ûrîa watûtigîre na nîwacokire akîthiî varîa vamwagîrîrîte.”

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 21:19

Paûlo nîwamakethirie na akîmeera maûndû monthe marîa Ngai eekîte gatagatîrî ka andû a ndûrîrî na njîra ya wîra wake.

Ciîko 22:10

Nanie nînaûririe atîrî, ‘Nie nîmbîka atîa Mwathani?’ Nake Mwathani nîwanjokerie atîrî, ‘Ûkîra wa rîu, ûthiî Damesiki na wakinya kuo nîûkwîrwa maûndû monthe marîa Ngai avangîte wîke.’

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”

Ciîko 26:15

Nanie nînaûririe atîrî, ‘We wî û, Mwathani?’ Nake Mwathani nîwambîrire atîrî, ‘Nie nînie Jesû ûrîa ûnyariraga.

Ciîko 6:4

Nwatî tue nîtûthiî na mbere kwîvecana ûvororî wîgiî mavoya na wîra wa kûvunjia ndûmîrîri ya Ngai.”

Aroma 1:5

Na njîra ya Jesû Kristû Ngai nîwatûmire ngîe na wega wake na agîtûma nduîke mûtûmwa nîguo andû a ndûrîrî cionthe metîkie na mathîke. Ndutaga wîra ûyû nîûndû wa Kristû.

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

2Akor 4:1

Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

2Akor 5:18

Maûndû mama monthe mekîtwe nî Ngai ûrîa watwîguithanirie nake ke mwene na njîra ya Kristû, na agîtûva wîra wa kwîgwithanagia andû nake.

Agal 1:12

Ûvoro ûcio ndiawamûkîra kuuma kûrî mûndû kana ngîthomithua nî mûndû. Jesû Kristû ke mwene nîke wanguûrîrie ûvoro ûcio.

Agal 2:2

Naathiîre kuo nîûndû Ngai nîwanguûrîrie atî nwanginya nthiî. Nînathiîre ndundu na atongoria a kanitha onga na ngîmava ûvoro mwaro ûrîa mvunjagia kûrî andû a ndûrîrî. Nekire ûguo nîguo wîra ûrîa naarutîte mbere na ûrîa ndutaga rîu ndûgatuîke wa mana.

Aefeso 3:3

Ngai nîwanguûrîrie nthitho ya mûvango wake na akîmenyithia yo. (Nie nîndîkîtie kwandîka ûvoro ûyû na njîra nguvî,

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Akol 1:25

Ngai anduîte ndungata ya kanitha na akamva wîra ûyû nîûrute nîûndû wa wagîrîru wenyu. Wîra ûyû wa kûvunjia ndûmîrîri yake na njîra îno mbîcûru, nîyo

Akol 1:7

Mwathomire ûvoro wîgiî wega wa Ngai kuuma kûrî Epafara, ndungata îrîa twendete na tûrutithanagia wîra nayo. Ke ethagîrwa arî mwîvokeku rîrîa araruta wîra wa Kristû vandûrî vetû.

1Ath 3:2

na tûtûme kûrî mue mûrû wa îthe wetû Timotheo ndungata ya Ngai îrîa tûrutithanagia wîra ûyû wa kûvunjia ûvoro mwaro wîgiî Kristû nayo. Twamûtûmire nîguo amwîkîre vinya na amûûmîrîrie wîtîkiorî wenyu,

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.