Ciîko 26:14 - ÎVUKU RÎA ÛVORO MWARO

¹⁴ Tuonthe nîtwagwîre nthî, na nie ngîgua mûgambo ûkîmbîra na rûthiomi rwa Kîhibirania atîrî, ‘Saûlo, Saûlo! Ûnyariraga nîkî? Kûrûa nanie nî gwîtivangia we mwene.’

Ciîko 26:14 ပူးပေါင်းရင်းမြစ်များ

Nthi 13:15

Ûûgî nîûvecagwa gîtîîo, nwatî andû arîa matarî evokeku marî njîrarî ya kûthira.

Zakaria 12:2

“Taroria, nîngûtûma Jerusalemu îtuîke ta gîkombe gîa kîndû kîngîtûma mûndû arîwe ta ûnyuîte ndivei. Juda nîkaatharîkîrwa na Jerusalemu îrigicîrue.

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Ciîko 21:40

Mûnene ûcio wa mbûtû ya athigari nîwamwîtîkîrie, kwoguo Paûlo nîwarûngamire vau ngathîrî na akîambararia njara na kûrî andû akîmeera makire. Rîrîa maakirire, Paûlo nîwamaarîrie na Kîhibirania akîmeera atîrî:

Ciîko 22:2

Rîrîa Ayahudi meegwire akîmaarîria na Kîhibirania, nîmaakirire wana makîria ya mbere, na Paûlo akîmeera atîrî:

Ciîko 26:13

Na thaa thita cia mûthenya nîrî njîrarî nthiîte kuo, mûthamaki mûgathe, nînoonire ûtheri kuuma îgûrû. Ûtheri ûcio warî mûnene gûkîra wa riûa na nîwamûrîkire na mîena yonthe wa vamwe na andû arîa nathiîcanîtie nao.

Ciîko 26:15

Nanie nînaûririe atîrî, ‘We wî û, Mwathani?’ Nake Mwathani nîwambîrire atîrî, ‘Nie nînie Jesû ûrîa ûnyariraga.

Ciîko 9:7

Nao andû arîa maathiîcanîtie na Saûlo nîmaarûngamire vau, nwatî matiauga wa naarî ûndû. Nîmegwire mûgambo, nwatî mationa mûndû.

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?