Ciîko 26:13 - ÎVUKU RÎA ÛVORO MWARO

¹³ Na thaa thita cia mûthenya nîrî njîrarî nthiîte kuo, mûthamaki mûgathe, nînoonire ûtheri kuuma îgûrû. Ûtheri ûcio warî mûnene gûkîra wa riûa na nîwamûrîkire na mîena yonthe wa vamwe na andû arîa nathiîcanîtie nao.

Ciîko 26:13 ပူးပေါင်းရင်းမြစ်များ

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Mathaayo 17:2

Nake Jesû nîwagarûrûkire ûrîa oonekaga ekariî wa mamûroretie. Ûthiû wake wavenagia ta riûa, na cio nguo ciake ciacerûvîte cûa.

Ciîko 22:6

“Ta thaa thita cia mûthenya vîndî îrîa nakinyire vakuvî na Damesiki, ûtheri mûnene nîwaumire îgûrû na ûkîîmûrîka wa rîmwe kuuma mîena yonthe.

Ciîko 22:9

Nao andû arîa twarî nao nîmoonire ûtheri ûcio, nwatî matiegua mûgambo wa ûcio wambaragîria.

Ciîko 26:12

“Na nîrî na mworoto ûcio Nînathiîre Damesiki mbathîtwe na mvetwe ûvoti nî anene a athînjîri-Ngai.

Ciîko 26:14

Tuonthe nîtwagwîre nthî, na nie ngîgua mûgambo ûkîmbîra na rûthiomi rwa Kîhibirania atîrî, ‘Saûlo, Saûlo! Ûnyariraga nîkî? Kûrûa nanie nî gwîtivangia we mwene.’

Ciîko 9:3

Na rîrîa Saûlo aakuvîvîrie Damesiki ûtheri nîwaumire îgûrû na ûkîmûmûrîka wa rîmwe kuuma mîena yonthe.

Kûguû 1:16

Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.