Ciîko 26:11 - ÎVUKU RÎA ÛVORO MWARO

¹¹ Na kwa mavinda meengî nînatûmire maverithue marî mavoerorî na nînaageririe gûtûma marega wîtîkio wao. Na nîûndû wao nînaarakarire mûno nginya ngîthiî kûmarûmîrîria matûûrarî mageni nîguo nîmanyarire.

Ciîko 26:11 ပူးပေါင်းရင်းမြစ်များ

Thaburi 102:8

Numagwa nî nthû ciakwa mûthenya tuku, arîa manyûrûragia matûmagîra rîîtwa rîakwa makîrumana.

Mûvunjia 9:3

Ûyû nî ûndû mûcûku mûno gatagatî ka marîa monthe mekîkaga gûkû nthî atî, mûrigîrîrio wa andû onthe nî ûmwe. Andû methagîrwa mecûrîtwe nî maûndû macûku na ûgûrûki na mûthiiarî magakua.

Mathaayo 10:17

Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Maariko 13:9

“Îîmenyagîrîreni nîûndû nîmûkaanyitwa na mûcirithîrue ciamarî cia athuuri. Wana nîmûkaarivîrwa mavoerorî, na mûrûngamue mbere ya anene na athamaki nîûndû wakwa ûrî ta ûira kûrî o.

Maariko 3:28

“Nîramwîra na ma atî, andû nîmakooverwa mevia mao monthe, wana irumi cionthe irîa maanaruma Ngai nacio.

Luka 15:17

Na mûthiiarî, mwanake ûcio nîwakirire na agîîciria atîrî, ‘Andû onthe arîa marutaga wîra kwa vava marîcaga, makavaa na magatigaria, nwatî nie nîrakuîra gûkû nî yûra.

Luka 21:12

Nwatî mbere ya maûndû mama monthe mekîke, mue nîmûkaanyitwa na mûnyarirwe. Nîmûkaanenganîrwa nîguo mûcirithîrue mavoerorî na mwikue njeera na mûcoke mûvirwe mbere ya athamaki na aathani nîûndû wakwa.

Luka 6:11

Nao andû acio nîmaatûmbirwe nî marakara na makîambîrîria kûrania ûrîa magwîka Jesû.

Ciîko 13:45

Na rîrîa Ayahudi moonire kîrîndî, nîmecûrirwe nî wîru, magîkararia maûndû marîa Paûlo aaragia, na makîmûruma.

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 22:19

Nwatî nînaugire atîrî, ‘Mwathani, o ene nîmaicî waro atî nie nînathiîcaga mavoerorî monthe, na arîa maagwîtîkîtie nînaamavingagîra njeera na ngamariva.

Ciîko 22:5

Mûthînjîri-Ngai ûrîa mûnene na athuuri onthe a Kîamma nwa marute ûira atî nie nîraria ûma. Nîo maanengeere maarûa nîguo nîivire kûrî ariû na aarî a îthe wetû arîa maarî Damesiki. Kwoguo Nînathiîre kuo, ngînyita andû acio na ngîmarete gûkû Jerusalemu marî oove nîguo maverithue.

Ciîko 9:1

Nwatî kavindarî wa kau Saûlo nîwekaraga akîvavûraga arûmîrîri a Mwathani, akiuga atî nîakûmaûraga. Kwoguo nîwathiîre kûrî Mûthînjîri-Ngai ûrîa mûnene,

Jakuvu 2:7

Itonga icio nwacio ciaragia ûvoro mûcûku wîgiî rîîtwa rîaro rîrîa mwîtanîtue narîo.

2Pet 2:16

Nwatî Balaamu nîwanegenirue nîûndû wa ciîko ciake. Nayo mvunda yake nîyaririe na mûgambo ta wa mûndû, îkîîra mûrathi ûcio atige ciîko ciake cia ûgûrûki.